ANALİTİKA BOLUMU

sokak_yazilari_4
Gagauziya hem gagauz halkı çoktan beklärdi, ani gelecek o gün, da Gagauziyamızın devlet, saalık, üüredicilik hem kultura kuruluşların duvarlarında peydalanacek gagauzça yazıları tabliçkalar. Gagauz küülerin hem sokakların adları yazılaceklar GAGAUZÇA. Da te etiştik o günä. Yapıldı hem asıldı 314 tabliçka (Komrat rayonunda – 174, Çadır rayonunda – 140). Valkaneş rayonu için da 63 tabliçka yapılêr. Ama tabliçkalara ilk bakışta sevinmelik erinä can acısı peydalandı. İş genä sayılsın deyni yapılmış. Taa ilk peydalanan yazılarda bir tepä orfografiya hem stilistika yannışlıkları. Lafların maanası yannış kullanılmış. Haliz gagauzça lafları türlü uydurma laflara diiştirilmiş.TAA DERINDÄN
Gagauz_Kongresi_sayt

2017.05.22,Ana Sözü TARAFINDAN YAZILI, ANALİTİKA, CÜMNE BOLUMU

Komratta ne Kongresi oldu?

Kongres taa hazırlanarkana belli oldu, ani bu Kongres nesa eni olacek, zerä ansızdan onun adı diişildii. Kongresin ofiţial saytında açıklandı, ani olêr “Gagauz Kongresi”. Kongresin emblemasında yazılı, ani olêr “Gagauzların dünnä Kongresi”. Taa ileri yapılardı “Bütüdünnä gagauzların Kongresi”. Nesoy Kongres oldu bu – belli diil? İnanêrım, ani Kongresi hazırlayannarın bu uurda kötü bir neetleri yoktu. Bezbelli problema çıktı ondan, ani hepsi materiallar İLKTÄN RUSÇA hazırlandı, da sora RUSÇADAN GAGAUZÇAYA çevirildi. Çevirennär da, gagauzçayı islää bilmedikleri beterinä, rusçadan «Всемирный конгресс гагаузов» cümnesini nicä «Мировой конгресс гагаузов» çevirdilär. Onuştan diil belli KomrattaTAA DERINDÄN
aaclik_kirimi
(Bütündünnä gagauzların IV-cü Kongresindä doklad) Ön söz erinnä Gagauzlara karşı XX-ci üzyılda yapılan baskıların hem ezmeklerin arasında, bir şüpesiz, ilk erdä durêr 1946-1947 yıllarda Sovet rejimin tarafından gagauzlara uygulanan AAÇLIK GENOŢİDI. Bu genoţid  kendi içinä topladı 1940-ta gagauzların kapamalarını hem trudarmiyaya almalarını, 1941-dä Sibirä kaldırılmalarını, 1944-tä “kara pehotaya” almalarını hem MGB[1] tarafından zındannara, kapannara hem GULAG[2]lara atılmaları. Hepsi bu işlerdä rejimä pek çok yardım ettilär erindeki kalik palilär, angıları hemen üstä çıktıydılar, da, kudurmuş köpeklär gibi, kendi halkını paralamaa başladıydılar. Aaçlıın genoţidın çeketmesi Büük aaçlık genoţidı başladı 1946-cı yılda yazın.TAA DERINDÄN
kiyamet

2017.04.27,Ana Sözü TARAFINDAN YAZILI, ANALİTİKA, CÜMNE BOLUMU

Kıyamet unudulacek… öbür KIYEMETÄDAN

Çiçek ayın 20-21 gecesi hem günneri Moldovayı büük bir kaar ţiklonu bastı. Kaar 2 gün durmamayca yaadı. Onun aarlıından biinärcä fidan hem direk kırıldı, da erä cingildi. Yollar kapandı! Küülär kapandı! Kasabalar kapandı! Elektrika telleri kopuk! Küülär hem kasabalar şafksız! Herersi kaar! Bölä kaar 150 yıl olmamış, deerlär! Bir söz – kıyamet! Kıyameti ensemää hem insannara yardım etmää deyni, bu Üstolan durumda, Moldovada hem Gagauziyada Operativ ştablar kuruldu. Yolları hem küüleri açmaa deyni armata çıkarıldı. Kasabalarda karabinerlar kaardan fidannarı silkärdilär, kırılmasınnar deyni. Ama fidannar kırıldılar. Kırıldılar hem insannarın, maşinaların, evlerin,TAA DERINDÄN
olimpiada_acilis
XXVIII-ci Gagauz dilindä hem literaturasında Respublika Olimpiadası için annatmayı başlayaceykana, ilkin lääzım urgulamaa, ani 3 günün içindä, nekadar gitti olimpiada, “Ana Sözü” gazetasının saytından kaarä, hiç bir (!!!) Gagauziyanın saytlarında yarım laf ta yazılmadı bu pek önemni hem soluk gibi faydalı iş için. HİÇ BİR haber!!! Sora bir-iki özel saytta haber çıkıtı, ama BÜÜNKÜ GÜNÄDÄN Gagauziyanın öndercilerinin hem onnara izmet edän saytlarda yarım laf ta be ÖNEMNİ iş içi yazılmadı. Neçin acaba? AÇILIŞ, GÖZELİN-GÖZELİ AÇILIŞ! Baba Marta ayın 6-da, Kişinevun “Antioh Kantemir” liţeyindä başladı 28-ci Gagauz dilindä hem literaturasında RespublikaTAA DERINDÄN
referendum_miting
Küçük ayın 2-dä Komratta iki “önemni” iş oldu: 1. Konsultativ Referendumun 3-cü yıldönümün kutlaması; 2. “Gagauziya – 2017. Reforma zamanı” III-cü Cümne-politika forumu. Nicä geçti bu meropriyatiyalar, ani birkaç gündän sora unuduldular, bu ayırı bir iş. Kestirici iş o, ani onnar gösterdilär – Gagauziyada birlik yok hem Gagauziyada parayı yok nereyi harcamaa! Ani birlik yok, bunu çoktan bilärdik! Ani parayı yok nereyi harcamaa – bu iş için da şüpelenärdik, ama bu iki bom-boş meropriyatiyalara harcanan paralardan sora gördük, bu da aslı. Gagauziyada 2014-cü yılın Küçük ayın 2-dä olan Konsultativ ReferendumunTAA DERINDÄN
ght_tablo
Kırım ayın (dekabri) 22-dä Komrat Apeläţiya Palatasının Kararına görä Komradın 1-ci seçim bölümündä Gagauziya Halk Topluşuna seçimnär enidän olacek. Bu Kararlan kayıl olmadı bu bölümdän ayırılan Dimitriy KONSTANTİNOV. O üzerä kendisi taa üüsek suda apeläţiya verdi. Aklınıza getireriz, ani ofiţial açıklamaya görä, Gagauziya Halk Topluşuna seçimnerin II-ci turunda Komradın 1-ci seçim bölümündä Dimitriy KONSTANTİNOV için verildi 60,7% oy, İkinci kandidat Vitaliy DRAGOY için sa 39,3%. Bununnan kayıl olmadı Vitaliy DRAGOY, angısı için I-ci turda verldiidi 49,6% oy, Dimitriy KONSTANTİNOV için sa 23,7%. Vitaliy DRAGOY Komradın 1-ci seçim bölümündä Gagauziya HalkTAA DERINDÄN
Kongresin_emblemasi
Hepsimiz bileriz, ani, başlayıp 2006-cı yıldan beeri, 3 yıl aşırı Bütündünnä gagauzların Kongresleri olardı. Sıradakı Bütündünnä gagauzların IV-cü Kongresi lääzımdı olsun 2015-ci yılın Kasım günnerindä. Ama, 2015-ci yılın Baba Marta ayın 22-dän sora, eni seçilän Gagauziya öndercileri bu adeti bozdular: artık iki kerä bu Kongresi belertilmiş günnerdä yapmama deyni karar alêrlar. Her zaman, maamilä surat, eni sebeplär bulup: ba para yokmuş, ba Türkiyenin Prezidentı adamış gelmää Kongresä da gelämärmiş, ba Halk Topluşu şeçimneriymiş. Biz da, onnarı yınanıp, onnarın ardına gazetamızın sayfalarından halkımıza “aslı”-yalancı heber vereriz. Ba yazêrız o öndercilerin laflarından,TAA DERINDÄN
tatarstan_moldovan
Gagauziya öndercilerin açıklamalarına görä Baba Marta ayın 15-17 günnerindä Rusiya Federaţiaysının Tatarstan Respublikasının baş kasabasında Kazanda Gagauz kultura Günneri geçmiş. Ama bu halizdän mi Gagauz kultura günneriydi, osa bu ad sadä göz boyama adıydı mı? İlktän bakalım ne maana taşıyêr termin “Gagauz kultura günneri”. Bu demeli bir milleti millet yapan (burada gagauzları gagauz yapan) zenginnik, başlayıp ANA DİLİNDÄN, da başarıp onun TÜRKÜLERİNNÄN, OYUNNARINNAN, HAVALARINNAN, SIRALARINNAN, ADETLERİNNÄN, GÜNNÜK HEM YORTULU GİİMNERİNNÄN, FOLKLORUNNAN, LİTERATURASINNAN hem taa çok başka önemni işlärlän, ani SADÄ BU MİLLETTÄ var. Bunnar hepsi GAGAUZLARDA da var. Belliki bunnarıTAA DERINDÄN
ana_dilim
Gagauziya İspolkomu kabletti Gagauziyanın üüredicilik zakonunu. Zakonda Gagauz dilindä uşak başçalarına hem şkolalara genä er yok. Teklif edlier, ani gagauz dili sadä predmet olarak üürenilecek hem 5-12 klaslarda «история родного края» predmetı gagauzça verilecek. Var başka eniliklär da – zakon zorlayacek gagauzları mutlaka kendi dilini üürenmää. Hem da üürenmäk için verilän diplomnara gagauzça «вкладыш» koyulsun lääzım. Hem da üürenmäk için verilän diplomnara gagauzça «вкладыш» koyulsun lääzım. Da bukadar mı? Gagauziyayı bunun için mi kurduk? hemTAA DERINDÄN