KİŞİLÄR BOLUMU

NEDEALKO_evgeniy
Çiçek ayın (aprel) 24-dä Mongoliyanın başkasabasında Ulanbatorda gagauz güreşçisi Evgeniy NEDEALKO (74 kg kftegoriyası), serbest güreştä I-ci Dünnä kvalifikaţiya turnirında 3-cü eri alıp, 2016-cı Olimpiada oyunnarına putevkayı kazandı. Serbest güreştä I-ci Dünnä kvalifikaţiya turnirında Moldova komandasının sportsmennarının arasından bölä üüsek uura kalkındılar sadä Gagauziyadan güreşçi Evgeniy NEDEALKO hem moldovan güreşçisi Nikolay ÇEBAN (95 kg kftegoriyası). Evgeniy NEDEALKO Olimpiadaya putevka eşiini geçti ozaman, açan ensedi Ukraynadan güreşçiyi Oleg BELOŢERKOVSKİYi. Not. 2016-cı Olimpiada oyunnarı geçecek Harman ayın (avgust) 5-21 günneri arasında  Braziliya devletin Rio-de-Janeyro başkasabasında.TAA DERINDÄN
dudoglu_yura
Çiçek ayın (aprel) 10-da Norvegiyanın Förde kasabasında başladı aar atletikada Evropa Çempionatı. Büün geldi haber, ani Moldova komandası orada ilk medalisini kazandı – 62 kg kategoriyasında Yuriy DUDOGLU koparmada (рывок) üçüncü oldu. Toplam esaplara görä Yuriy DUDOGLU kaldırıp 284 kg (koparma – 156 kg, itirmektä – 128 kg) aar atletikada Evropa Çempionatında 5-ci eri aldı. Şindi Moldova için kendi kuvedini göstereceklär sportsmennar Natalay PRİŞÇEPA (75 kg), Aleksandr ŞPAK (77 kg) hem Aleksandr DUDOGLU (85 kg) bildirer moldova.sports.md saytı.TAA DERINDÄN
mihaylova
Gagauziyadan şahmatistka Alina MİHAYLOVA geçennerdä, 12 yaşınadan kızların arasında, 7 oyundan altısını tarayıp, şahmatalarda Moldova çempionkası oldu. Alina MİHAYLOVAnın bu Moldovada beşinci altın medalisi. Bundan kaarä genç şahmatistka başka turnirlarda da ensedi, Evropa hem Dünnää çempionatlarında prizör oldu. Sport uuru yolunda Alinaya aylesi yardımcı eder hem anası Liliya yolculuk kafadarı olêr. Şindi Alina Evropa çempionatına hazırlanêrTAA DERINDÄN
Duz_Ava_ILYA_BABUK
Moldova Prezidentın kararınnan Gagauziyanın anılmış kompozitoruna İlya FİLEVa “Maestro în arta” (“İncäzanaatta Maestro”) adı verildi. Canabisinä “Maestro în arta” (“İncäzanaatta Maestro”) nışanını taktımaa hem belgesini vermää deyni Komrada Moldovanın kultura ministrusu Monika BABUK geldi. Küçük ayın (fevral) 7-dä Komradın kultura Evin, “Düz Ava” ansamblisinin 45-ci yıldönümünü yortusunu kutlarkana, sţenaya Maestro İlya FİLEV çaarıldı da Moldovanın kultura ministrusu Monika BABUK Canabisinä “Maestro în arta” (“İncäzanaatta Maestro”) nışanını taktı hem belgesini verdi. PATRETTÄ: Monika BABUK hem İlya FİLEV.TAA DERINDÄN
Duz_Ava_TANEA_BABUK
Moldova Prezidentın kararınnan “Düz Ava” türkü hem oyun halk ansamblisinin öndercisinä “Maestro în arta” (“İncäzanaatta Maestro”) adı verildi. Küçük ayın (fevral) 7-dä Komradın kultura Evin sţenasında, “Düz Ava” ansamblisinin 45-ci yıldönümünü yortusunda, Tatyana ŞÇOGOLEVAya “Maestro în arta” (“İncäzanaatta Maestro”) nışanını taktı hem belgesini verdi Moldovanın kultura ministrusu Monika BABUK. PATRETTÄ: Monika BABUK (solda) hem Tatyana ŞÇOGOLEVA.TAA DERINDÄN
zanet_akademik
Kırım ayın (dekabri) 8-dä Ankarada poet Todur ZANETä Kırgız Respublikasının Omor SULTANOV Halklararası cümne poeziya Akademiyasının akademik nışanı hem belgesi verildi. Akademik nışanını hem belgesini Canabisinä verdi kendisi Akademiyanın prezidentı – Omor SULTANOV. Akademik Todur ZANETi kutlama sırasında pay aldılar Avrasya Yazarlar Birlii Başkanı Yakup ÖMEROĞLU, Akademiyanın baş sekretari hem predsedatel yardımcısı Aydarbek SARMANBETOV, Kazahstanndan uygur yazıcısı Ekrem AHMETOV, Türk dünnäsında başka yazıcılar. Not. Bu nışanı vermäk için Omor SULTANOV Halklararası poeziya Akademiyasının tarafından bu karar 2015-ci yılın Mart ayında alınmış.TAA DERINDÄN
turksoy_taner_zanet
Haldun TANERın duumasının 100 yılına yapılan Türk Dünnäsının 1-ci pyesa yarışmasında gagauz dramaturgu Todur ZANET “Sistema” pyesasınnan 4-cü eri aldı.TAA DERINDÄN
zanet_medali

2015.12.13,Ana Sözü TARAFINDAN YAZILI, KİŞİLÄR BOLUMU

Todur ZANET “Haldun TANERın 100 yılına” medaliyi kabletti

TÜRKSOY tarafından kurulan “Ünlü Türk oyku ve tiyatro yazarı Haldun Taner’ın doğumun 100. yıl anısına” medali, başka türk dünnäsı yazıcılarınnan hem aydın adamnarınnan bilä, gagauz poetına hem yazıcısına Todur ZANETä Kırım ayın (dekabri) 8-dä Ankarada verildi. Medaliyi Canabisinä Kazahstan Ankara Büükelçisi Janseyit TUYMEBAYEV taktı.TAA DERINDÄN
ceban_1

2015.10.30,Ana Sözü TARAFINDAN YAZILI, CÜMNE, KİŞİLÄR BOLUMU

Onnar üürederlär üürencilerini insan olmaa

Gagauziyanın Kıpçak küüyün “S.İ. Baranovskiy” adına teoretik liţeyindä işleer üüredicilär Domnika Viktorovna hem Pötr Afanasiyeviç ÇEBAN. İkisi da kıpçaklı. Artık 39 yıl, taa 1976-dan beeri, onnar kol-kola ömürdä giderlär, herbir iştä biri-birinä yardımcı hem omuz olêrlar. Bu yolda hem kendi uşaklarına Lüdmilaylan Andreya hem Elenaylan Olgaya, hem da üürencilerinä örnek olarak, bir yaşamanın en büük temelini – aylä paalılıını, örnek gösterip, üürederlär, en islää çalışma hem insannık terbiyetmesini vererlär. Domnika Viktorovna başardı Kişinev “İon Kränga” adına devlet universitetın matematika fakultetını. Universitettan sora işledi matematika üüredicisi Taraklı kasbasının 2-ci orta şkolasında,TAA DERINDÄN
mila_kurudimova

2015.07.31,Ana Sözü TARAFINDAN YAZILI, KİŞİLÄR, LİTERATURA, POEZİYA BOLUMU

Bän gelcäm, salt kimsä orada beklesin!

Mila KURUDİMOVA duudu 1989-cu yılın Orak ayın (iyül) 3-dä Gagauziyanın Çadır kasabasında. Başardı burada 1-ci liţeyi, sora da, 2013-cü yılda, başardı Astrahan Devlet Üniversitetin (Rusiya) angliyca-italyanca çevirici fakultetını. Büünkü gündä Moskvada lingvistika-çevirici bölümdä işleer.  Bu bölümündä çalışarak, ana dilin lirikasına danıştı. Mila KURUDİMOVAnın laflarına görä, o, gagauz dilini unutmasın deyni, çeketti kendi literatura denemelerini yazmaa: “Bana çok meraklı Gagauz dilin literatura kuruluşu, onun janr hem stilistika özellikleri. Büünkü gündä en önemni, ki gençlär sevsinnär hem saygılı olsunnar ana dilinä. Gagauz dilimiz pek gözäl hem bir yalpak dildir – hem fonetikaTAA DERINDÄN