RESİMCİLİK BOLUMU

alena_sirbu

2014.03.28,Ana Sözü TARAFINDAN YAZILI, KULTURA, RESİMCİLİK BOLUMU

“İlkyaz Vernisajı” konkursun prizörü Alina SIRBU

Geçennerdä Kişinevda İtaliya büükelçilliin kanadı altında, “Regina Pacis” Fondu yaptı bir jivopis konkursu – “İlkyaz Vernisajı”. Konkursta pay aldılar Moldova Respublikanın resimci şkolalarından 12-17 yaş arasında bulunan 20 üürenci. Onnar lääzımdı beş saadın içindä 70×50 sm bez üstündä yaalı boyaylan bir resim yapsınnar. Konkursta pay aldı Komradın “Dimitriy SAVASTİN” adına resimci şkolasının üürenciykası Alina SIRBU da. O kendi resiminin adını koydu “Benim ana kasabam”. Konkursun jürisinin kararınnan Alina SIRBUya “İlkyaz Vernisajı” yarışmasında III-cü er verildi. Konkurun prizöru olarak Alina SIRBU kabletti dimlom hem para baaşışı. Kutlêêrız Alina SIRBUyu bü büükTAA DERINDÄN
savastin

2014.02.12,Vasilisa TANASOGLU TARAFINDAN YAZILI, KULTURA, RESİMCİLİK BOLUMU

“ATATÜRK” bibliotekasında Dimitriy SAVASTİNın sergisi

Küçük ayın 11-dä Komrat “ATATÜRK” bibliotekasında anılmış dünnää resimcinin Dimitriy SAVASTİNın resim sergisi açıldı. Bu sergi büük ustanın ikinci personal sergisi bu bibliotekada. İlk sergida taa cok resimnar kara karandaşlan çizilmişti. Şindi sa sergidä yaratmalar yaalı boyaylan yapılı. Ama resimnerin teması hiç diişmeer – gagauz folkloru, legendaları, gagazların derin istoriyası. Sergşnin açılışında pay aldılar hem büük resimci için, onun yaratmaları için, söz tuttular Türkiye Büükelçisi sayın Mehmet Selim KARTAL, Kişinev TİKA ofisin koordinatoru Atilla Cem KARAMOLLAOĞLU, resimci Pötr DİMOV, Gagauziya kultura Upravleniyasının zaametçileri hem başka musafirlär, angıları geldilär kutlamaa resimciyi.TAA DERINDÄN
Fazli

2013.06.28,Elena KARAMİT TARAFINDAN YAZILI, KİŞİLÄR, KULTURA, RESİMCİLİK BOLUMU

Resimci Pötr FAZLI – 60 yaşında

Kirez ayın (iyün) 20-dä anılmış gagauz resimcimiz, Valkaneş resimci şkolasının direktoru Pötr İvanoviç FAZLI 60 yaşını kutladı. Pötr FAZLI duudu Valkaneş kasabasında 1953-cü yılda. 1972-ci yılda başardı Kişinevdakı “İ.E.Repin” adına respublika resimcilik uçilisçesini, taa sora da, Kişinevdakı “İ. Kreanga” adına devlet pedagogika universitetin resimcilik hem dizayn fakultetini. Zanaatlanêr jivopis uurunda. Resimcinin ilk sergisi 1976-cı yılda yapıldı. Ozamandan beeri Pötr FAZLI çeşitli erindeki, respublika hem halklararsı sergilerdä pay aldı. 1988-ci yılda Yaponiyada olan sergidä altın medaliyi kabletti. Sovetlär Birliin, Moldova Respublikasını hem Gagauziyanın resimcilär Birliklerin azası. Gagauziyanın kulturada hatırlı zaametcisi. SıkTAA DERINDÄN
arabaci
Gagauz resimcilerin arasında o bir güneş gibi şılêêr. Gülär üzlü hem şen ürekli bir insan – bölä fikir herkerä peydalanêr, açan onunnan buluşêrsın. Sanêrım hiç yanılmayacam, herliim yazarsam, ani bu iki cümledän okuycular hemen resimciyi Mihail ARABACIyı tanıdılar. Onun yaratmaları gagauz incäzanaatında ayırı bir er kaplêêr. Dünneyin angı köşesindä dä bulunmasan, onun resimnerini görüncä, hemen oun yaratmak ustalıını hem becerikli stilini tanıyêrsın. O yaratmalarda tarafımızın, insannarımızın hem küülerimizin ruhu uçêr, peyzajlardan da topraamızın hem kırlarımızın gözellii eseer. Mihail ARABACInın, nicä da başka gagauz resimcilerin çoyunun, yaratmak yolu gözümün önündä geçti.TAA DERINDÄN
savastin

2013.04.27,Todur Zanet TARAFINDAN YAZILI, KİŞİLÄR, KULTURA, RESİMCİLİK BOLUMU

Gagauzların geniyi Dimitriy SAVASTİN

Gagauzların geniyi Dimitriy SAVASTİN, önündä başımızı iilderiz! Çok kerä yazdım onun için. Dostluumuz da çok yıllar sürter. Çok kerä onunnan uzun zaman lafa durdum. Herkerä büük filosofiya temalarından gagauz halkın problemalarına girdik, sora da o problemaları kendi yaratmalarımızda açıklayarak, kendi fikirlerimizi insan önünä sürdük. Açan bu insannan sık-sık buluşêrsınız hem lafa durêrsınız, annêrsınız, ani herbir buluşmakta o başka-başka taraflardan açılêr: ba o derin fikirli filosof, ba o yalın içindä yanan patriot, ba o incä duygulu bir lirik, ba o cengä hazır olan asker, ba bir raat hem tez yaralanan uşak.TAA DERINDÄN