LİTERATURA ÖMÜRÜ BOLUMU

maskalar
Maskalı maskaralara Alıştım gülär maska altından bakan bakışlara… Alıştım arkamdan uran keskin bıçaklara… Alıştım miskinnää, haseetlää… Salt alışamadım bu titsi hayarsızlaa, esapsızlaa… Alıştım üstümä atılan kara bataklaa… Alıştım yukardan sauran mındarlaa… Alıştım yudaların kurşununa… Salt alışamadım maskalı maskaralara… Alıştım artık herbir işä… Alıştım, ani başkancıklar da cücä… Alıştım maskaralaa, yalancılaa…. Canım raat – alıştım! Ama… Bitişti bıçak yaraları – kaldı izleri… Giderim bu baskı altında ileri: Bakışlar, yalannar, bataklar altında – Halkın kruçası hep sırtımda… Bunnara karşı dooru laf – kalkanım, Korunmaa deyni sözüm – oklarım, Yaasın kurşunnar – hiçTAA DERINDÄN
su_duden
Akar sular aktı denizlerä Umurumda da diil senin o lafların! Yanıp, sündü eski duygularım. Boş ürektä avaz da kalmadı. Baar, baarma – kırıldı sevda kanatları. Sän deersin: dönelim geçmişlerä, O uykusuz hem da deli gecelerä, Çiidä yıkandıımız Hederlezä Hem da o bir yastaa – ikimizä. İsteersin genä girelim akar suya, Eni ömür verir ölü o duyguya, Ama iki kerä girilmeer bir suya. Yazık, yazık geçmiş o duyguya. Akar sular aktı denizlerä, Daadıp o duyguyu köpüklerä. Eni bir duyguya hiç kalmadı maya, Bu sevdayı koyamaycez ayaa. Todur ZANET, 07.02.2018TAA DERINDÄN
cii
Dipsiz derinnää battı sevdalar… İncelnmiş erdän koptu sevda ipleri, Kopmaklan bilä dünnäälar cingildi, Dipsiz derinnää uçêr sevdamız, Sessiz bir baarmaklan baarêr duygumuz. Kaldık ikimiz – iki alık hem üüsüz, Battı güneşlär, battı günümüz, Sündü ateşlär, suudu damarlar, al kannar, Ateşli soluklar, vulkan gibi kaynayan o cannar, Sündü, kapandı deliycä çımkıran o gözlär, Karanaa, dipsiz derinnää battı sevdalar… Todur ZANET, 22.04.2017 *** Sän – bir sabaa çiiyi damnasıysın gül yapraanda, Bän – susamış, sevdadan yanmış, bir can başçanda. Gel, Dan eri armadaan, bakınıym gözündä, şafkında, Bu düş mü, osa olan birTAA DERINDÄN
KURUDIMOVA

2018.05.30,Ana Sözü TARAFINDAN YAZILI, CÜMNE, LİTERATURA, LİTERATURA ÖMÜRÜ, POEZİYA BOLUMU

Ver seni öpiim, paalı mamuş!

Mila KURUDİMOVAnın kendi anasına peetleri Okuycularımız artık bilerlär talantlı hem Allahtan çok verimni hem incä duygulu poetımızı Mila KURUDİMOVAyı. Geçennerdä yollamış bizä iki peetini, ani o baaşlamış kendi anasına – şaşılacek derin hem duygulu peetlär. Mila KURUDİMOVAnın anası Praskovya Nikolaevna POSMİTNAYA  (Kristeva) (29.05.1954 – 13.05.2003) düünnäda sadece 16 günsüz kırk dokuz yıl yaşamış. Ömür boyu kilimciyka işlemiş hem dünneyä 3 uşak baaşlamış. Ama uşakların sade ikisi yaşêêr – oolu hem kızı Mila. Büün, anarak Praskovya Nikolaevnayı, şükür ederiz ani gagauzlara haliz bir Poet – Mila KURUDİMOVAyı – baaşladı hem duaTAA DERINDÄN
tayfun_1
Kırgızıstanın «Турк дуйнөсунун Адабияты» (Türk dünnäsının literaturası) jurnalın 2018-ci yılın Çiçek ayında (aprel) tiparlandı onun “Tayfun” annatması. Bu tiparlanma oldu Todur ZANETin 60-cı yıldönümünä (Kirez ayın 14-dü) karşı. Annatmayı kırgız dilinä çevirdi Kırgızıstanın anılmış yazıcısı, bu jurnalın baş redaktoru, “Avrasya” yazıcılar Birliin azası, “Mahmut Kaşgarlı” literatura premiyasının laureatı Aydarbek SARMANBETOV.TAA DERINDÄN
baboglu_ataturk
2018-ci yılın Hederlez ayın (may) 24-dä Komrat ATATÜRK bibliotekasında geçti bir sıra, ani ilgiyidi gagauz literaturasının klassiyin, aydınnadıcının, yazıcının hem poetın, folklorcunun, aaraştırmacının, dramaturgun, publiţistın hem muzeycinin  Nikolay BABOGLUnun duuma günününün 90-ci yıldönümünnän. Sırayı ortak hazırladılar Komrat ATATÜRK bibliotekası, “Ana Sözü” gazetası hem “GAGAUZLUK” Cümne Birlii. Nikolay BABOGLUyu anmak sırasını açtı ATATÜRK bibliotekasının direktoru Vasilisa TANASOGLU, angısı annattı Nikolay BABOGLUnun yazıcılıı hem insannıı için, onun yaratmaların özü hem temaları için. Sora söz verildi Nikolay BABOGLUnun üürencisinä akademää Todur ZANETä, angısı urguladı, ani “Ana Sözü” gazetası hem “GAGAUZLUK” Cümne Birlii 2018-ciTAA DERINDÄN
baboglu копия
GAGAUZ literaturasında Nikolay BABOGLU vardı hem daymaların daymalarında kaldı en BÜÜK USTA! “Ana Sözü” gazetası hem “Gagauzluk” Cümne Birlii, gagauz literatura klasiyin hem en büük yazıcımızın Nikolay BABOGLUnun (02.05.1928 – 26.08.2008) duuma gününün 90-cı yıldönümünnän ilgili olarak, 2018-ci yılın Hederlez (may) ayını Nikolay BABOGLU ayı olarak açıklêêr. (Aydınnadıcı Nikolay BABOGLUnun duuma günün 90-cı yıldönümünä) Hederlez ayın (may) 2-dä aydınnadıcının, Büük Ustanın, Gagauz literaturasının klassiyin, poêtın hem yazıcının, dramaturgun hem folklorcunun, aaraştırmacının hem publiţistın, muzeycinin  Nikolay BABOGLUnun duuma günününün 90-ci yıldönümü tamamnandı. Nikolay BABOGLU yaşamasında Büük Usta irmidän zeedä literatura kiyadıTAA DERINDÄN
edebiyat_kongresi
2018-ci yılın Çiçek ayın (aprel) 17-19 günnerindä Türkiyenin Kastamonu  kasabsında, ani Türk Dünnäsının 2018 yılı kultura başkasabası oldu, geçti IX. Türk Dünnäsı Literatura Dergileri (Jurnalları) Kongresi. Bu Kongres, TÜRKSOY hem TİKA işbirliindä, hazırlandı Avrasya Yazarlar Birlii tarafından. IX. Türk Dünnäsı Literatura Dergileri (Jurnalları) Kongresindä pay aldılar dünneyin 16 Türk devletindän hem topluluklarından (Azerbaycan, Başkurdistan, Dagestan, Gagauziya, İrak (Türkmenneri), İran (Üülen Azerbaycan), İran (Türkmen Sahra), Kazakistan, KKTC (Poyraz Kipra Türk Respublikası), Kırgızistan, Krım, Kosova,  Makedoniya, Özbekistan, Tataristan hem Türkiye) 28 literatura jurnalların temsilcileri. Kongres “Şerife Bacı Öğretmenevi Konferans Salonunda” toplandı. Onun açılışındaTAA DERINDÄN
mercanka_1
Tipardan çıktı anılmış gagauz yazıcıykasının Mariya MERCANKAnın eni proza kiyadı, ani annadêr gagauzların Sovet Zamanında “raat, uslu hem selemetli” yaşaması için. Kiyadın prezentaţiyası oldu 2018-ci yılın Baba Marta ayın 23-dä Komrat Regional bibliotekasında. Prezentaţiyada pay aldılar yazıcılar, kultura hem cümne insannarı. Kiyadın avtoru şükür etti Gagauziya İspolkomuna kiyadın tiparlanmasında para yardımı için. Bu paraların kolaylıınnan 300 “Kadem kaynaa” kiyadı basıldı. Kiyatlar baaşlanacek Gagauziyanın bibliotekalarına hem da üürediciliklän kultura kuruluşlarına.TAA DERINDÄN
ataturk_bibliotekasi
Bu yılın Kirez ayın (iyün) 26-da tamannêêr 20 yıl nicä kuruldu Komrat ATATÜRK bibliotekası. Bu yıldönümünnän ilgili olarak, biblioteka açtı gagauz dilindä bir literatura yarışması – “Nasıl annadardı mali…” Yarışmanın özellikleri: 1. Yarışmada pay alan yazıcıların yaşı – 18–40 yaş arasında 2. Annatmaların tematikası – gagauzların evelki adetleri, tradiţiyaları, ömürü. 3. Annatmalar lääzım olsunnar elektron variantında A-IV formatında. Annatmaların büüklüü – en çok 10 sayfa (1 sayfa – 1800 simvol). 4. Yarışma geçecek Baba Marta ayın 20-dän Hederlez ayın (may) 1-nä kadar. 5. Yaratmaları yollayınız elektron adresimizä: vasilisa-tan@mail.ru 6. Haberleşmä telefonu: 0298 2 21TAA DERINDÄN