LİTERATURA BOLUMU

zanet_akademik_3
2018-ci yılın Kirez ayın (iyün) 14-dä, Gagauz Milli Gimnanın avtoru, poet, yazıcı, dramaturg, aaraştırmacı, folklorcu, sţenarist hem rejisör, publiţist, çevirici, “Ana Sözü” gazetasının baş-redaktoru hem “GAGAUZLUK” Cümne Birliin başı, akademikTodur ZANET 60 yaşını tamamnadı. Todur ZANET kendisi için bölä deer: “Bän – gagauzum! Bän utanmêêrım kendi dilimdän hem halkımdan! Onnar benim kanım hem canım! Onar benim ana damarım, köşä taşlarım! Onnar beni erdä tutêr hem beni bän yapêr! Taa son soluumadan, üreemin bitki atışınadan hep izmet edecäm onnara: Gagauz Halkıma, Gagauz Dilimä hem Gagauzluuma!” yada bölä: “Bän kopmadım hiç halkımdan:TAA DERINDÄN
maskalar
Maskalı maskaralara Alıştım gülär maska altından bakan bakışlara… Alıştım arkamdan uran keskin bıçaklara… Alıştım miskinnää, haseetlää… Salt alışamadım bu titsi hayarsızlaa, esapsızlaa… Alıştım üstümä atılan kara bataklaa… Alıştım yukardan sauran mındarlaa… Alıştım yudaların kurşununa… Salt alışamadım maskalı maskaralara… Alıştım artık herbir işä… Alıştım, ani başkancıklar da cücä… Alıştım maskaralaa, yalancılaa…. Canım raat – alıştım! Ama… Bitişti bıçak yaraları – kaldı izleri… Giderim bu baskı altında ileri: Bakışlar, yalannar, bataklar altında – Halkın kruçası hep sırtımda… Bunnara karşı dooru laf – kalkanım, Korunmaa deyni sözüm – oklarım, Yaasın kurşunnar – hiçTAA DERINDÄN
su_duden
Akar sular aktı denizlerä Umurumda da diil senin o lafların! Yanıp, sündü eski duygularım. Boş ürektä avaz da kalmadı. Baar, baarma – kırıldı sevda kanatları. Sän deersin: dönelim geçmişlerä, O uykusuz hem da deli gecelerä, Çiidä yıkandıımız Hederlezä Hem da o bir yastaa – ikimizä. İsteersin genä girelim akar suya, Eni ömür verir ölü o duyguya, Ama iki kerä girilmeer bir suya. Yazık, yazık geçmiş o duyguya. Akar sular aktı denizlerä, Daadıp o duyguyu köpüklerä. Eni bir duyguya hiç kalmadı maya, Bu sevdayı koyamaycez ayaa. Todur ZANET, 07.02.2018TAA DERINDÄN
cii
Dipsiz derinnää battı sevdalar… İncelnmiş erdän koptu sevda ipleri, Kopmaklan bilä dünnäälar cingildi, Dipsiz derinnää uçêr sevdamız, Sessiz bir baarmaklan baarêr duygumuz. Kaldık ikimiz – iki alık hem üüsüz, Battı güneşlär, battı günümüz, Sündü ateşlär, suudu damarlar, al kannar, Ateşli soluklar, vulkan gibi kaynayan o cannar, Sündü, kapandı deliycä çımkıran o gözlär, Karanaa, dipsiz derinnää battı sevdalar… Todur ZANET, 22.04.2017 *** Sän – bir sabaa çiiyi damnasıysın gül yapraanda, Bän – susamış, sevdadan yanmış, bir can başçanda. Gel, Dan eri armadaan, bakınıym gözündä, şafkında, Bu düş mü, osa olan birTAA DERINDÄN
KURUDIMOVA

2018.05.30,Ana Sözü TARAFINDAN YAZILI, CÜMNE, LİTERATURA, LİTERATURA ÖMÜRÜ, POEZİYA BOLUMU

Ver seni öpiim, paalı mamuş!

Mila KURUDİMOVAnın kendi anasına peetleri Okuycularımız artık bilerlär talantlı hem Allahtan çok verimni hem incä duygulu poetımızı Mila KURUDİMOVAyı. Geçennerdä yollamış bizä iki peetini, ani o baaşlamış kendi anasına – şaşılacek derin hem duygulu peetlär. Mila KURUDİMOVAnın anası Praskovya Nikolaevna POSMİTNAYA  (Kristeva) (29.05.1954 – 13.05.2003) düünnäda sadece 16 günsüz kırk dokuz yıl yaşamış. Ömür boyu kilimciyka işlemiş hem dünneyä 3 uşak baaşlamış. Ama uşakların sade ikisi yaşêêr – oolu hem kızı Mila. Büün, anarak Praskovya Nikolaevnayı, şükür ederiz ani gagauzlara haliz bir Poet – Mila KURUDİMOVAyı – baaşladı hem duaTAA DERINDÄN
tayfun_1
Kırgızıstanın «Турк дуйнөсунун Адабияты» (Türk dünnäsının literaturası) jurnalın 2018-ci yılın Çiçek ayında (aprel) tiparlandı onun “Tayfun” annatması. Bu tiparlanma oldu Todur ZANETin 60-cı yıldönümünä (Kirez ayın 14-dü) karşı. Annatmayı kırgız dilinä çevirdi Kırgızıstanın anılmış yazıcısı, bu jurnalın baş redaktoru, “Avrasya” yazıcılar Birliin azası, “Mahmut Kaşgarlı” literatura premiyasının laureatı Aydarbek SARMANBETOV.TAA DERINDÄN
baboglu_ataturk
2018-ci yılın Hederlez ayın (may) 24-dä Komrat ATATÜRK bibliotekasında geçti bir sıra, ani ilgiyidi gagauz literaturasının klassiyin, aydınnadıcının, yazıcının hem poetın, folklorcunun, aaraştırmacının, dramaturgun, publiţistın hem muzeycinin  Nikolay BABOGLUnun duuma günününün 90-ci yıldönümünnän. Sırayı ortak hazırladılar Komrat ATATÜRK bibliotekası, “Ana Sözü” gazetası hem “GAGAUZLUK” Cümne Birlii. Nikolay BABOGLUyu anmak sırasını açtı ATATÜRK bibliotekasının direktoru Vasilisa TANASOGLU, angısı annattı Nikolay BABOGLUnun yazıcılıı hem insannıı için, onun yaratmaların özü hem temaları için. Sora söz verildi Nikolay BABOGLUnun üürencisinä akademää Todur ZANETä, angısı urguladı, ani “Ana Sözü” gazetası hem “GAGAUZLUK” Cümne Birlii 2018-ciTAA DERINDÄN
karacoban_tif

2018.05.27,Ana Sözü TARAFINDAN YAZILI, CÜMNE, LİTERATURA, YAZICILAR BOLUMU

D. KARA ÇOBANın duuma günündän 85 yıl tamamnandı

2018ci yılın Hederlez ayın (may) 27-dä anılmış gagauz poetın hem yazıcısının Dimitriy KARA ÇOBANın (27.05.1933– 08.10.1986) duuma günündän 85-ci yıldönümü tamamnandı. Bu yıldönümünü kutlamaa deyni Gagauziya İspolkomu Hederlez ayını (may) Gagauziyada Dimitriy KARA ÇOBANı anmak ayı olarak bildirdi. Bu üzerä yazıcının duuma yıldönümünnän ilgili olarak kutlamalar geçtilär kimi şkolalarda, Beşalma küüyündä hem Gagauziyanın bilim Merkezindä.TAA DERINDÄN
gul
Osanna! Ódam benim boodaya, Aar başaklı tarlaya! Cenk çiftçiyi öldürdü, O inadına büüdü. Var türküm dedelrä, Gezmişlär çok erlerä, Ayırmış ani ottan İlk başaa-ekmek yapan! Hem o ustaya adsız, Ani çok vakıt raatsız İlkin düzmüş tekerlää Hiç düşünmeyip büüklää. Taa çalêrız üüsek gimn Korumuş dili hep kim, Peetçiyä ilk, Gomera, Stih baaşlayan bu erä! Nekadar yaş yaşaycam, Topraa Óda yazacam, Bilmeer ki bolluu sınır Bir kerä da diil kısır. Denizä da metinniim – Yok durduunu işittiym, Uslusuz halı için Hem tuzlu dadı için. “Saa ol!” deycäm çmürä – Dünedä enTAA DERINDÄN
Gagauziya_
Gagauziya Kutlêêrız yaşını Bizimcä, eskiycä Yıslêêrız başını… Mutlu ol, saasem ol. Önündä açılsın Geniş hem açık yol. Tarla hep eşersin Halkımız becersin Zorları ensemää Kolayda sevinmää, İiliktä şennenmää Gagauzlar bilsin. Sän geldin dünnäya Binyıllıın başında, Bu gündä Devletim Oldu 10 yaşında. Dökülsün da dolsun Şaraplan filcennar, Yortuya çekilsin Kliselerdä çannar. İşidip bilsinnär Kim taa bilmedi, Ki var hem yaşêêr Gagauz Devleti. Yaşêêr, yaşaycek Çok yıllar, çok asir Gagauzluun bayraa, Gagauz milleti… Ne mutlu canına Kim seni kutlaycek Birinci yaşında!!! Gagauziya, Gagauziya, Bin yıllar sana! Hem taa, hem taa Okadar çokTAA DERINDÄN