MOLDOVADA TİKA PROEKTLARI BOLUMU

kongaz_masina_1
Kirez ayın 20-dä Kongaz küüyün Kurbanında Kongazın Türkiyedän kardaş kasabsından Koniyanın Selcuklu belediyesindän Kongaza bir maşina baaşlandı. Maşina Kongazın kusurlu uşakların “Güneş okçaazı” Merkezinä verildi. Maşinada var maasuz lift, ani uşakları ükletmää hem indirmää deyni. Selcuklu belediyası, maşinayı TİKA yolunnan getirip, küüyün Kultura Evinin önündä kongazlılara baaşladı. Baaşlamak yortusuna katılmaa deyni Kongaza maasuz geldilär Türkiyenin Kişinev Büükelçisi Mehmet Selim KARTAL, Selcuklu belediyesinin temsilcileri Osman ŞİMŞEK (belediye başkanı adına), Ayhan GÜRBÜZER (belediyenin dışilişkileri müdürü) hem onun yardımcısı Ali ÜRÜNAY, TİKA programaların Kişinev kordinatorluk Ofisin kordinatoru Canan ALPASLAN, onun yardımcısı Osman USTA,TAA DERINDÄN
Tika_kisinev_primariya_3
Geçän afta Türkiye Respublikası TİKA yolunnan Kişinev primariyasına kusurlulara hem sakatlara yardım için tertiplenmiş bir mikroavtobus verdi. Bununnan ilgili primariyada ofiţial bir sıra yapıldı. Kişinev primariyasına TİKAdan mikroavtobusu verilmesinin ofiţial sırasında pay aldılar Türkiyenin Kişinev Büükelçisi Mehmet Selim KARTAL, TİKA programaların Kişinev kordinatorluk Ofisin kordinatoru Canan ALPASLAN hem Moldovanın başkasabası Kişinev primarın yardımcısı Nistor GROZAVU. TİKAnın verildii maasuz kusurlulara deyni tertiplenmiş mikroavtobuş alındı primariyanın soţial izmetleri bölümünä. Şindilik Kişinevda hem onun dolayında bulunan küülerdä 22 bin kusurlu hem sakat insan yaşêêr.TAA DERINDÄN
tika_ceban
Ciçek ayın (aprel) 13-dä TİKA programaların Kişinev kordinatorluk Ofisindä Gagauziya öndercilerinnän TİKA proektların ilerlemesi incelendi. O günü TİKA programaların Kişinev kordinatorluk Ofisin kordinatoru Canan ALPASLAN, kendi çalışmak odasında, buluştu Gagauziya İspolkomun predsedatelin birinci yardımcısınnan Vadim ÇEBANnan hem İspolkomun dış ilişkilär Upravleniyanın başınnan Vitaliy VLAHlan. Buluşmada pay aldı TİKA kordinatoru yardımcısı Osman USTA da. Buluşmada detalli incelendi o proektlar, angılarında yardım TİKAdan beklener. O proektların arasında var Komrat rayon bolniţaının Hızlı yardım binasının yapılması.  Hep bu bolniţanın yanında terapiya hem nevrologiya bölümnerin binalarının yapılması. Kalmadı bir tarafta Komratta “Türkiye Prezidentın Recep Tayyip ERDOĞANTAA DERINDÄN
Komrat_ihtarlar_evi
Küçük ayın (fevral) 9-da Komrat Recep Tayyip ERDOĞAN adına ihtärlar Evi kendisinin 15-ci yıldönümünü kutladı. İhtärlar Evin yıldönümünü bakmaa deyni burayı geldilär hem bu Evdä işleyän personalı hem burada bulunan ihtärları kutladılar Komradın primarı Sergey ANASTASOV, TİKA programaların Kişinev kordinatorluk Ofisin kordinatoru Canan ALPASLAN, TİKA kordinator  yardımcısı Osman USTA, Gagauziya İspolkom Predsedatelin yardımcısı Olesä TANASOGLU, Halk Toluşu başın yardımcısı Aleksandr TARNAVSKİY, Komrat Devlet Universitetın ekonomika fakultetın dekanı Konstantin TAUŞANCI, kimi Gagauziya ekonomika agentları. İhtärlar Evin direktoru Vasiliy SEMENÜK kendi sözündä şükür etti TİKA programaların Kişinev kordinatorluk Ofisin kordinatoru Canan ALPASLAN “o büükTAA DERINDÄN
ustolan_durum
Bıldır, TİKA yardımınnan Moldovada “Şkolalarda hem uşak başçalarında ilk yardım proektı” başladı. Bunun çerçevesindä uşak başçaların hem başlangıç şkolaların üüredicilerinä kurslar oldu. O kurslara katılannar Sertifikat almaa haklarını kazandılar. Proektı birliktä ilerlederlär: TİKA (Türk İşbirlii hem Koordinaţiya Agenstvosu), Moldovanın işişleri ministerliin Üstolan durumnar Upravleniyası hem Moldova Nikolay Testemiţianu mediţina devlet Universitetın studentların “ASTUDMED” dernää. Proektın ikinci payında kurslarda “ASTUDMED” dernään azaları pay alaceklar. Şindi Kişinevdakı 10 uşak başçasından hem başlangıç şkolalarından kursları başaran üüredicilerä birär ilk yardım çantaların baaşlanması düşünüler. Neettä var ileriyä Gagauziya, Kaul hem Belţ uşak başçaların hem başlangıçTAA DERINDÄN
cad_3
Geçennerdä Çadırın 7-ci “Yuvuşka” (“Süütçäz”) uşak başçası enidän kapularını açtı. O kapalıydı o üzerä, ani imäk hazırlamak bölümü pek kötü duruma gelmişti. Da şindi burayı gidän 150 uşak için TİKA yardımınnan uşak başçasının kufnesini hem yıkamak bölümü enilendi. “Yuvuşka” (“Süütçäz”) uşak başçası açıldı 1968-ci yılda. Ozamandan beeri burada capital remont olmadı. Onun yapıları dökülmää başladı, örtüsü – akmaa, kufnesi çöktü. Onuştan devletin sanitar strukturaları o uşak başçasını kapadı. Da ozaman Çadır primarı Anatoliy TOPAL danıştı TİKAya tekliflän, ani Çadırın 7-ci uşak başçasının kufnesini hem yıkamak bölümünü eniletmesindä yardımcı olsunnar. BuTAA DERINDÄN
ttp_1
Kasım ayın 27-ä Moldovanın alış-veriş Palatasının Gagauziya filialının işä üüretmäk Merkezindä iki eni tertiplenmä klas açıldı. Bu klaslar hazırlandı hem tertiplendi TİKAnın (Türk İşbirlii hem Koordinaţiya Agenstvosu) yardımınnan. Klasların açılışında, Çadırdan biznesmennardan hem Moldovanın alış-veriş Palatasının Gagauziya filialın başı Mihail PAŞALIdan kaarä, pay aldılar paalı musaafirlär: Gagauziya Başkanı İrina VLAH, Türkiye Büükelçisi Mehmet Selim KARTAL, TİKA programaların Kişinev kordinatorluk Ofisin kordinatoru Canan ALPASLAN, Moldova alış-veriş Palatasının başkanı Valeriy LAZAR. Üürenmäk klasların ofiţial açılışından sora, Moldovanın alış-veriş Palatasının Gagauziya filialının işä üüretmäk Merkezindä işadamnarınnan toplantı oldu. Toplantının konusuydu: Gagauziya hem Türkiye arasında cümneTAA DERINDÄN
gida_2
Canavar ayın (oktäbri) 21-23 günnerindä Kişinevda oldu halklararası bir seminar – “Moldova Gıda Güvenliği Yönetimi Eğitimi” (“Moldovada iyelecek malların güvennii çorbacılıında üüredicilik”). Bu seminar yapıldı “TİKA Balkannar hem dou Evrupa devletleri iyelecek malların hem yaşamak güvenniindä yardım etmäk programası” çerçevesindä. TİKAnın programasına görä, seminar Türkiyenin İyelicek mallar, Çiftşilik hem Hayvancılık Ministerliin hem Moldovanın Milli iyelecek malların güvennii Agenstvosunun işbirliinnän yapıldı. Nicä açıkladı TİKA programaların Kişinev kordinatorluk Ofisin kordinatoru Canan ALPASLAN: “Seminara Moldovanın Milli iyelecek malların güvennii Agenstvosunun 50 speţialistı katıldı. Onnara deyni Türkiyedän profesorlar hem bilim doktorları lekţiya okudular. Lekţiyalarda,TAA DERINDÄN
Canan_alpaslan_valkanes
Valkaneş rayon bolniţasının göz mikrohirurgiya bölümünä TİKA (Türk İşbirlii hem Koordinaţiya Agenstvosu) tarafından son model mikrosrop hem göz operaţiyaları için aparat veriler. Bunu açıkladı Canavar ayın (oktäbri) 14-dä TİKA programaların Kişinev kordinatorluk Ofisin koordinatoru Canan ALPASLAN, kutlayarak valkaneşlileri kasabasının 303-cü kurban Gününnän. Canan ALPASLAN açıkladı, ani “TİKA hem Valkaneş primariyası arasında pek islää dialog hem işbirlii ilişkileri var”. Canabisi urguladı, ani “TİKA tarafından Valkaneştä yapılan en büük proektların arasında bulunêrlar ihtärlar evin düzülmesi hem rayon bolniţanın birinci katının remontu.” TİKA koordinatoru bildirdi, ani 2016-2017 yıllarında da TİKA hem Valkaneş primariyasıTAA DERINDÄN
Tika_baskannan_bulusmak

2015.08.17,Ana Sözü TARAFINDAN YAZILI, CÜMNE, MOLDOVADA TİKA PROEKTLARI BOLUMU

TİKA proektları detalli incelendilär

Harman ayın 14-16 günnerindä Moldovada hem Gagauziyada Türkiye TİKA merkezindän delegaţiya bulundu. Delegaţiyada vardılar TİKA Balkannar hem Dou Evrupa Daire Başkanı Dr. Mahmut ÇEVİK, TİKA Moldova masası sorumnusu Kübra TÜRK, TİKA speţialistı hem stroyka injenerı Emra AKSOY hem Türkiyedän ALBAMİMARİ firma temsilcisi hem arhitektoru İbrahim ALBAYRAK. Harman ayın 14-dä Türkiyedän delegaţiya azaları hem Kişinev TİKA koordinatoru Canan ALPASLAN, koordinator yardımcısı Mustafa KICIR, TİKA ofisin çevirici-asistentlar Roman KALAK hem Dimitriy ZAHARİYA Kişinevda buluştular Gagauziya Başkanı İrina VLAHlan hem Başkan yardımcısı Vadim ÇEBANnan. Buluşmada incelendilär o proektlar, ani TİKA tarafından Gagauziyada ilkinTAA DERINDÄN