ceh_bayraa

28.10.2016, tarafından yazılı , CÜMNE, EKONOMİKA BÖLÜMÜ, 228 KERÄ BAKILMIŞ

Çehiya Çöşmä küüyünä yakın zihirli pestiţid mezarını inceleyecek

Moldovanın çevrä tabiatın ministerstvosu, Moldovanın iyecek malların saalıklı olmasında Milli agenstvosu hem Çeh Respublikasının ilerlemäk Agenstvosunun arasında annaşmalık Memorandumu imzalandı. Onun uuru – “Çöşmä küüyün yakınnarında bulunan kuşkulu bokluunnan, pestiţid mezarınnan, ilgili riskların aazaltılması”.

Çeh Respublikasının Moldovada Büükleçisi Zdenek KRİJİÇ (Zdenek Krejci) açıkladı, ani proektı aslıya geçirecek çehiyadan “Dekonta” kompaniyası. O kompaniya 2017-ci yılın Kirez ayınadan (iyun) Çöşmä küüyün yakınnarında bulunan kuşkulu bokluun (pestiţid mezarın) durumunu inceleyecek, onun ekologiyaya zararlıını kantarlayacek hem nasaat verecek, nicä ileri dooru bu bokluu kullanmaa. İncelemenin sonuçları cümneyä hem devlet kuvetlerinä seminarlarda açıklanacek.

Moldovanın çevrä tabiatın ministrusu bildirdi, ani bu boklukta 4 bin ton pestiţid gömülü.

Bu pesteţidlar, sulara hem tarlalara sızıp, yavaş-yavaş insanımızı öldürer!

BİR CUVAP YAZIN