cernobil (1)

05.05.2019, tarafından yazılı , CÜMNE BÖLÜMÜ, 256 KERÄ BAKILMIŞ

Çernobıl AESında avariyayı yokedennerä anmak taşı

Gagauziyanın baş kasabasında Komratta Çernobıl AESında avariyayı yokedennerä bir anmak taşı açıldı. Bu yapıldı “Gagauziya çernobıllıları” kuruluşun hem onun başı Emmanuyıl VELİKOVun teklifinä görä.
cernobil (2)

Anmak taşın açılma sırasında pay aldılar bütün Gagauziyanın küülerindän “çernobıllılar”, komrattan askerlär, Gagauziya kuvetlerin temsilcileri, duhovoy orkestra, sıradan insannar.

Çernobıl AESında avariyayı yokedennerä anmak taşın açılışında söz tuttular Gagauziya Halk Topluşu başı Vladimir KISSA, Gagauziya Bilim-aaraştırma Merkezin geçici direktoru İrina KONSTANTİNOVA, Moldova Respublikasının “çernobıllılar” birliin başı Födor KAPAȚİNA, “Gagauziya çernobıllıları” kuruluşun başı Emmanuil VELİKOV hem başkaları.
cernobil (3)

Not. Çernobıl atom elektrostanțiyasının reaktorunun atom patlaması avariyası oldu 33 yıl geeri, 1986-cı yılın Çiçek ayın (aprel) 26-da. O avariyayı yoketmesindä Moldovadan, asker emirinä görä, 3 bin kişidän zeedä insan yollandı. Onnarın arasında Gagauziyadan 100 kişidän zeedä. Büün o 3 bin kişidän zeedä insannarın arasından diri kaldı sade 1130 kişi.

Foto: gagauzinfo.md

BİR CUVAP YAZIN