koronovirus_4_1

21.02.2020, tarafından yazılı , CÜMNE BÖLÜMÜ, 271 KERÄ BAKILMIŞ

COVID-19 hastalıına ulaşan 76700-dän zeedä kişidän 2247-si artık öldü

Bütündünnää saalıı koruma Kuruluşun haberinä görä Kitay devletindä peydalanan koronavirus (COVID-19) hastalıına bütün dünääda 76 bin 700 kişidän zeedä insan ulaştı. Onnarın 2247-si artık bu salgından öldü.

Bütündünnää saalıı koruma Kuruluşu bildirdi, ani Küçük ayın (fevral) 20-dän COVID-19 haztalıından ölü sayısının durumu, devletlerä görä, böläydi: Kitay – 2236, Hong-Kong (Kitayın yurisdikțiyası) – 2, İran – 2, Yaponya – 3, Üülen Koreya, Tayvan, Filipinnär hem Frațiya – 1-rär kişi.

Hep bu Kuruluşun açıklamalarına görä Küçük ayın (fevral) 20-dä koronavirus (COVID-19) hastalıına ulaşannarın sayısı, devletlerä görä, böläydi: Kitay – 75465, Hong-Kong (Kitayın yurisdikțiyası) – 69, Makau (Kitayın yurisdikțiyası) – 10, Tayvan – 24, Yaponiya – 727, Üülen  Koreya – 156, Singapur – 85, Tayland – 35, Malaziya – 22, Avstraliya – 17, Vyetnam – 16, Germaniya – 16, Amerika Birleşik Devletleri (ABD) – 15, Franțiya – 12, Angliya – 9, Birleşik Arab Emiratları – 9, Kanada – 8, İran – 5, İtaliya – 3, İndiya – 3, Filipinnär – 3, Rusyia – 2, İspaniya – 2, Nepal – 1, Şri Lanka – 1, Kamboca – 1, Belgiya – 1, Şvețiya 1, Finländiya – 1, Egipet – 1.

Eni koronavirus hastalıı ilkin Kitayın Hubêy dolayının Vuhan kasabasında ortaya çıktı da, bakmayıp karantinnerä, artık may bütün dünnääda yayıldı.

BİR CUVAP YAZIN