baskan_toplantı_23_03_2020_1

23.03.2020, tarafından yazılı , CÜMNE BÖLÜMÜ, 177 KERÄ BAKILMIŞ

COVİD-19-za karşı Gagauziya bücetından para ayırılacek

Moldovada COVİD-19-zun yayılması durumunnan ilgili olarak Gagauziya Başkanı sıradakı bir toplantı yaptı, bildirer www.gagauzia.md saytı.

Baba Marta ayın 23 sabaasına görä Gagauziyada COVİD-19 ulaşan hasta yok. Ama geçän günü COVİD-19-za şüpä altına taa iki kişi alındı. Onnarın birisi Çöşmä küüyündän, birisi Dizgincedän.

Gagauziya Başkanı urguladı, ani lääzım Gagauziya bücetına diiştirmeklär yapmaa da, koronavirus haztalıına karşı koymaa deyni, para bulmaa.

Bu paranın kesin sayısı belli olacek detalli smeta yapıldıynan hem Gagauziya Halk Topluşunnan annaştıynan.
Başkan bildirdi, ani bu paralar yollanaceklar medițina kuruluşlarına, dezinfekțiya malları, koruma kostümnarı, tek kullanmak maskaları hem eldivenneri almaa deyni.

Bundan kaarä para verilecek benzinnän solärka için da, zerä bitki vakıtlar skorıylar plandan dışarı yolculuk yapêrlar hastaların evlerinä da onnarın harçları büüdülär.

Başkan urguladı, ani bu aftanın içindä da sıkı karantinı lääzım bakmaa.

Patret: gagauzinfo.md

BİR CUVAP YAZIN