cupa gubernului

15.10.2013, tarafından yazılı , SPORT BÖLÜMÜ, 1590 KERÄ BAKILMIŞ

“Cupa Guvernului 2013” futbol kuboonda Kongazın 1-ci liţeyi 2-ci oldu

Bu yıl Moldovada “Cupa Guvernului 2013” (“Pravitelstvonun Kupası”) futbol kuboonun VIII-ci turnirı oldu. Bu yarışta pay aldılar 867 şkoladan hem liţeydän komandalar, hepsi 19 000 uşak.

Canavar ayın (Oktäbri) 5-dä Drokiya kasabasının stadionunda turnirın finalı oldu. Finalda oynadılar Gagauziyadan Kongaz küüyün 1-ci Teoretik Liţeyin hem Teleneşti rayonun Negureni küüyün Teoretik Liţeyin komandaları.

cupa gunvernului cupa guvernului

Final pek meraklı geçti. Ama belliydi, ani kongazlı futbolcularını Kongazdan Drokiyeyadan 300 kilometralık yol biraz yorultmuştu. Bakmadaan buna Kongaz küüyün 1-ci Teoretik Liţeyin taa son minudadan matçta büük ustalık gösterdi. Ama, nicä deniler, kısmet o günü başkasınınmış.

Turnirda 1-ci eri aldı Teleneşti rayonun Negureni küüyün Teoretik Liţeyin komandası.
Kongazın 1-ci Teoretik Liţeyin komandası 2-ci oldu.

Drokiyanın “Mihai Eminesku” Teoretik Liţeyin komandası 3-cü oldu.

Redakţiyadan. Biz kutlêêrız Kongazın 1-ci Teoretik Liţeyin komandasını bu büük ensemäklän. Hem okuycularımıza deyni bildireriz, ani Gagauziyadan komandayı hazırladılar trenerlar İgor Nikolaeviç ŞVEŢOV hem Konstantin Vasilyeviç STEFU, hem da liţetin direktoru İordan Nikolaeviç YASIBAŞ.

 

BİR CUVAP YAZIN