TC_15_Orak_1

16.07.2018, tarafından yazılı , CÜMNE BÖLÜMÜ, 591 KERÄ BAKILMIŞ

“Demokratiyanın enseyişini kutlarkan, 15 Temmuz Şehitlerimizi saygıyla anêrız”

Pazar günü, Orak ayın 15-dä, Türkiye Respublikasının Kişinev Büükelçiliindä oldu bir sıra, neredä anılıdılar 2016-cı yılın Orak ayın 15-dä gecesi olan Türkiyedä devlet devrimi denemesinä karşı koyan kahramannarı. Bu konuylan ilgili Türkiye Respublikasının Kişinev Büükelçilii bölä bir açıklama yaptı:

TC_15_Orak_Buukelci“Demokratiyanın enseyişini kutlarkan, 15 Temmuz Şehitlerimizi saygıyla anêrız”

2016-cı yılın 15 Temmuz (Orak ayın 15-si – nışan “AS”) gecesi, Türk milleti, kendisini “evrenin imamı” olarak görän Fetullah GÜLENin silahlı kuvetlerinä hem başka cümne kuruluşlarına sızmış adeptları tarafından pişirilmiş, bir devlet devrimi durumunnan karşı-karşıya kaldı. Yaşanannar, Türkiye Respublikasının istoriyasında eşi görülmemiş boyutta bir terör saldırısıydı. 249 vatandaşımız şehit oldu, 2.000-den zeedä vatandaşımız yaralandı.

Türk halkı, tek ürek olarak, büük bir iitliklän devrimcilerin karşısına çıktı. Tankların önündä durdu. Devlet kuruluşların ele geçirilmesini brakmamak için kendi diri duvar devrimcilerin önündä kurdu. Türk halkı, demokratiya dışı karısmaklara izin vermeyeceeni ortaya koydu. Türkiyenin geleceenä diil silahlı grupaların, ama milletin isteyişinä görä kurulmasını gösterdi.Demokratiyaya hem vatanın geleceenä kahramanca saabi çıkarkan, cannarını kaybedän paalı şehitlerimizi raametlän anıyor; Gazilerimizä saygı duygularımızı belirderiz”.

Bu olaylan ilgili Türkiye Respublikasının Kişinev Büükelçiliindä kuruldu 2016-cı yılın 15 Temmuz (Orak ayın 15-si – nışan “AS”) gecesi FETÖ teror organizaţiyasının savaştıı yapmaa devlet devrimi denemesini annadan “15 Temmuz – Milli İradenin Zaferi” (“Orak ayn 15-şi – Milli İstediinin Enseyişi” – türkçedän gagauzçaya “AS” çevirmesi) bir patret sergisi.

PATRETLERDÄ: Patret sergisinnän tanışmak.
Tribunada Moldovada Türkiye Büükelçiliin Geçici Maslahatgüzarına İskender Kemal OKYAY.

BİR CUVAP YAZIN