demokratiya_MB-UM_proekti

12.11.2018, tarafından yazılı , CÜMNE BÖLÜMÜ, 174 KERÄ BAKILMIŞ

Demokratiyanın maanası büüktür

2019-da Moldova Parlamentına seçimnärlän ilgili olarak, Kaımın 9-da Komratta “Gagauziyada yaşayannarı seçim proțesınnan ilgili haberlemäk” MB-UM proektın cümne tanıtmak sırası geçti, angısını hazırladılar hem yaptılar “Uniunia media” hem “Yuridika klinikası” Cümne Birlikleri. Tanıtmak sırası politikalı olmasın deyni, onu yaptılar tarafsız bir erdä – Gagauziyanın Bilim Merkezindä.

MB-UM proektın prezentațiyasının moderatoru oldu bu proektın direktoru Vitaliy GAYDARCI.

Proektın çerçevesindä bu iki cümne birlikleri hazırlamışlar seçimnärlän ilgili çeşitili plakatlar hem broşüra gagauz dilindä.

Toplantıda bulunannara selemnama sözlerinnän danıştılar Moldovanın MSKnın (Merkez Seçim Komisiyası) azası Vadim FİLİPOV, Gagauziyanın MSK başı İvan KOMUR, PROON EDMİTE proektın menecerı Eva BOUNEGRU.

Sora dokladlar okundu.

MB-UM proektın sonuçları için “Gagauziya gençlerini seçim proțesınnan ilgili haberlemäk” dokladınnan söz tuttu proektın direktoru Vitaliy GAYDARCI.

“Haberä saabi olan seçici – aslıyca seçimnerä ilk adım” dokladlan Komradın “Yuridika klinikası” proektı adından nasaat etti bu proektın direktoru Elena TODOROVA.

“Seçimcileri haberlemektä țivil cümnenin rolü için” annattı “Piligrim Demo” CB direktoru Mihail SİRKELİ.

“Seçim proțesına milli azınnıkların inklüziyası için” annattı halk advokatı ofisin direktoru Svetlana MİRONOVA.

“Vatandaşları gagauz dilindä haberlemektä pravitelstvodan olmayan cümne kuruluşların rolü için”  annattı Gagauziya Halk Topluşu deputatı Ekaterina JEKOVA.

Bundan kaarä kendi bakışlarını soruşlara açıkladılar akademik Todur ZANET hem Dr. Svetlana GARÇEVA.

BİR CUVAP YAZIN