maradona_1_

26.11.2020, tarafından yazılı , CÜMNE, SPORT BÖLÜMÜ, 957 KERÄ BAKILMIŞ

Diego MARADONA sonsuzlaa gitti

Kasımın 25-dä Buenos Aires (Argentina) kasabasında 60 yaşında raametli oldu anılmış futbolcu Diego MARADONA. Futbol dünääsı hem bütün dünnää kaybetti kendi en anılmış, başarılı hem becerikli futbolcsunu. Bu aar kayıplan ilgili olarak, Argentinada üç günnük milli yas tutması bildirildi.

Diego Armando  MARADONA duudu 1960-cı yılın Canavar ayın 30-da Buenos Aires (Argentina) kasabasının truşçobalarında (veran erlerindä). Üç yaşında kabletti baaşış bir futbol topu da ozamandan beeri bütün ömürünü futbola baaşladı. 10 yaşında çeketti oynamaa anılmış Argentina futbol klubun“Argentinos Juniors” (“Asociacion Atletica Argentinos Juniors”) uşak komandasına. 16 yaşında bu klubun ana komandasında oynamaa başladı. 17 yaşından beeri Argentina milli komandasında oynadı, angısı için 91 matçta pay aldı hem 34 gol urdu.

Diego MARADONA pay aldı dört dünnää çempionatında. 29.06.1986 günü, Argentina milli komandasınnan bilä, dünnää çempionu oldu. 1990-cı yılda dünnää çempionatında gümüş medali kazandı.

maradona_2_

BİR CUVAP YAZIN