50_yildonumu

27.09.2017, tarafından yazılı , CÜMNE BÖLÜMÜ, 81 KERÄ BAKILMIŞ

Dimitriy POPAZOGLU – 50 yaşında!

Ceviz ayın (sentäbri) 27-dä analmış gagauz jurnalistı, «Единая Гагаузия» gazetanın baş redaktoru Dimitriy POPAZOGLU 50 yaşını tamamnadı.
popazoglo_dima

Gagauziyanın hem gagauzların büük patriotu Dimitriy POPAZOGLU jurnalistika uurunda çoktan işleer. 10 yıldan zeedä çıkarêr «Единая Гагаузия» gazetasını. Ama, bu gazetanın başına geçincä, o çeşitli gazetalarda hem inrenet resurslarında kendi keskin yazılarını hem jurnalist aaraştırmalarını yayınnadı. Kendi statyalarınnan çok saklı hem ters işlerä insanarın gözünü açtı.

Bundan kaarä Canabisi kulturaya da çok izmet eder. O savaşêêr çıkarmaa videoya hepsi kultura olaylarını, da erleştirer o videolar kendi internet sayfasında hem Youtube resursunda. Hep internetta o açtı gagauz türkülerinin radiosunu – http://gagauzradio.ru/.

Dimitriy, gözäl yıldönümün kutluca olsun! Saalık hem uzun ömür sana! Allaa versin ileri dooru da jurnalist usturan körlenmesin!

BİR CUVAP YAZIN