martisor_duz_ava

13.03.2017, tarafından yazılı , ANSAMBLİLÄR, KULTURA, KULTURA ÖMÜRÜ BÖLÜMÜ, 1932 KERÄ BAKILMIŞ

“Düz Ava” hem “Kadınca” büük gagauz kulturasını Kişinevda gösterdilär

Baba Marta ayın 9-da, Moldovanın 51-ci “Marţişor” milli festivalin çerçevesindä, Kişinevda büük bir konţert gösterdilär Gagauziyanın anılmış ansamblileri “Düz Ava” hem “Kadınca”.

Kişinevun “Nikolay Sulak Milli Palatası”nın sţenasından “Düz Ava” hem “Kadınca” gösterildi siiredicilerä büük gagauz kulturasının milli oyunnarını hem çaldılar halk türkülerini.

Belliki, zalda bulunan siiredicilerä deyni gagauz kulturasınnan tanışmaa seftä bişey diildi, zerä bu ansamblilär taa ileri da pay aldılar “Marţişor” milli festivalindä. Ama ozamannar onnar gösterdilär sadä bir-iki oyun hem türkü. Bu kerä sa, “Nikolay Sulak Milli Palatası”nın sţenasından gagauz ansamblileri siiredicilerä büük bir konţertlan sefa sürdülär hem şennik yaptılar.

Zal dolusu insannardan kaarä, konţertä geldilär Moldova Respublikasının kultura ministrusu Monika BABUK hem Gagauziyanın Başkanı İrina VLAH.

Annaşıldı, ani ileri dooru da bu türlü konţertlärlän gagauz artistleri Moldova siiredicilerini sevindireciklär.

BİR CUVAP YAZIN