kılcik_elena_6

10.02.2020, tarafından yazılı , CÜMNE, KİŞİLÄR, SPORT BÖLÜMÜ, 364 KERÄ BAKILMIŞ

Elena KILÇIK, Rimda 2 gümmüş medali alıp, Olimpiadaya gidecek

2020-ci yılın Büük ayın (yanvar) 31-dä İtaliyanın başkasabasında Rimda aar atletikada Dünnää Kuboonda Gagauziyadan sportsmenka Elena KILÇIK, Moldovanın komandasında olarak, iki gümüş medali kazandı.

Birinci medaliyi o kazandı 87 kg kategoriyasında, itirmäklän kaldırıp 126 kilalık ştangayı. Sora dördüncü oldu çekiylän kaldırıp 98 kg ştangayı. Bu iki uprajneniya esabına görä, 224 kg kaldırıp (126 kg + 98 kg), gagauz sportsmenkası 2-ci gümüş medaliyi aldı.

Bu turnirda sayılan ballara görä Elena KILÇIK kazandı hak Moldova Respublikası için 2020-ci yılda Tokioda (Yaponiya) yaz Olimpiadasında pay almaa.

Bu büük başarıylan sportsmenkayı kutladı Gaguziyanın Başkanı, baaşlayıp ona çiçek hem bir noutbuk.

Not. Bıldır Elena KILÇIK oldu çempionka gençlär dünnää çempionatında, ani geçti Romıniyada Bukureştä hem Canavar ayında kazandı 3 bronza medali Belarusiyada “Alexander Cup” halklararası turnirında.
kılcik_elena
kılcik_elena_2

BİR CUVAP YAZIN