avto_protest_vulkanes

21.03.2017, tarafından yazılı , CÜMNE BÖLÜMÜ, 27 KERÄ BAKILMIŞ

Eni ştraflara, paalara hem tek kişilik seçim bölümnerinä karşı çıktılar

Baba Marta ayın 16-da Gagauziyanın üç kasabasında da geçti mitinglar şöförlara koyulan ştrafların büültmesinä, elktrika paaların üüseltmesinä hem tek kişilik seçim bölümnerin geçmesinä karşı.

Açıklanan haberlerä görä Çadırda mitinga 150, Valkaneştä hem Komratta sa 100 kişi katıldı.

Mitinglarda nasaat edän insannar urguladılar, ani “bu ştraflar 3-4 katına taa büük, nekadar insannarın zarplatası”.

Mitingçilar sayêrlar, ani “açan büünkü kuvedä lääzım para, onnar herkerä şöförları saamaa başlêrlar. Bölä oldu strahovkalarlan da, yol vergisinnän da, şindi cezalarlan da”.

Mitinlarda karar alındı, ani “herliim pravitelstvo atılmarsa ştrafları büültmesindän, elktrika paaların üüseltmesindän hem tek kişilik seçim bölümnerindän, şöförlar yolları kapadaceklar”.

Bu mitingları topladılar Gagauziya Respublikasının kurucular, Halk Topluşun deputatları, cümne insannar.

BİR CUVAP YAZIN