ErenlerSofrası

30.04.2021, tarafından yazılı , CÜMNE, MOLDOVADA TİKA PROEKTLARI BÖLÜMÜ, 534 KERÄ BAKILMIŞ

“ErenlerSofrası” yardımı Moldovaya hem Gagauziyaya etişti

Türk İşbirlii hem Koordinaţiya Agenstvosu Başkannıın (TİKA) açıkladıı #ErenlerSofrası programasına görä, TİKA tarafından dünneyin dört köşesindä musulmannnarın Ramazan yortusu çerçevesindä yoksul hem üüsüz insannarına iyecek malları yardımı yapılêr.

Nicä bildirdi gazetamız için Kişinev TİKA programaların Koordinatoru Selda ÖZDENOĞLU, bu yardımdan 40 ton mal Moldova için da ayırıldı, angısı erleştirildi 4 bin kutuya.  Herbir kutuda iyelicek malların yanında (bulgur, un, oloy, tuz) COVİDtan korunmak üüsek kaliteli medițina maskaları da var.

Paskellä yortusuna karşı yardımın ilk payı (10 ton) Moldovanın Belț kasabasına yollandı. Sora da, ikinci etapta, 18 ton yardım Gagauziyanın 3 rayonuna (Komrat, Çadır, Valkaneş) yollandı hem oralarda Komrat Recep Tayyip ERDOĞAN adına ihtärlar Evinä, Çadır kasabasının İnternatına hem çok yoksul aylelerä verildi.

Yardımın üçüncü etapında, büün hem gelän aftaya, kalan yardım Moldovanın başkasabasının Kişinevın üüsüzlerinä hem yoksullarına daadılacek.
ErenlerSofrası (1)
ErenlerSofrası (3)
ErenlerSofrası (5)
ErenlerSofrası (6)
ErenlerSofrası (4)
ErenlerSofrası (2)

BİR CUVAP YAZIN