teatru_milli

13.02.2020, tarafından yazılı , CÜMNE, KULTURA, TEATRU BÖLÜMÜ, 464 KERÄ BAKILMIŞ

Gagauz Milli Teatrusu teatrunun geleceeni düşüner

Gagauz Milli Teatrusunun direktoru Mihail KONSTANTİNOVun zaamettinnän, bu yıl Gagauziyadan 3 kişnin kolayı var girmää Moldova Muzıka, Teatru hem Resimcilik incääzanaatı Akademiyasına da “teatru rejisöru” zanaatını üürenmää.

Gagauz Milli Teatrusunun direktoru Mihail KONSTANTİNOV bildirdi “Ana Sözü” redakțiyasına, ani kendisinin söz annaşması var Moldova Muzıka, Teatru hem Resimcilik incääzanaatı Akademiyasının anılmış pedagogunnan Valeriy ȚAPİŞlän, ani bu yıl Gagauziyadan 3 kişiyi Canabisi alsın kendi kursuna, angısını o bu yıl toplêêr. Valeriy ȚAPİŞ bildirmiş, ani bu kişilär bücettän paraya görä üüreneceklär.

Bundan kaarä Mihail KONSTANTİNOV açıkladı, ani Teatru savaşacek toplamaa 15 genç kişiyi, angılarını aktörluk fakultetına üürenmää yollayeceklar. Canabisi bildirdi, ani bu uurda ön annaşma var Azerbaycannan. İkinci yol da – bu grupayı Komrat Devlet Universitetında üüretmää.

Mihail KONSTANTİNOV urguladı, ani bücetä üürenmeyä girmäk isteyän abiturientlar, lääzım olacek Kontrakt yapsınnar Gagauz Milli Teatrusunnan, ani üürenmäk bittiynän, onnar döneceklär burayı işlemää.
teatr1

BİR CUVAP YAZIN