kara_yimirta

30.07.2020, tarafından yazılı , CÜMNE BÖLÜMÜ, 655 KERÄ BAKILMIŞ

“Gagauz paketları” Zakonnarını “zihirliymiş” dedilär

2014-cü yılın Çiçek ayın (aprel) 15-dän beeri gagauzlara adêêrlar Moldova Parlamentında kabletmää “gagauz paketları” Zakonnarını, angıları lääzım, Gagauziyanın yok edilmemesi için, Moldova Respublikasının Konstituțiyasına baalansınnar.

Da te, artık 6 yıl sıravardı bu “gagauz paketları” oyuncaanı, sansın bir cıngırdaa önümüzdä oynadêêrlar.

İlktän komunistlär, sora demokratlar, şindi da soțialistlär, seçimnerin önündä, onnarı ortalaa atêrlar. Hem atêrlar ozaman, açan belli, ani onnar kabledilmeyecek, ama partiyaların kolaylıkları olacek insana demää: “Biz savaştık, ama, görersiniz, Parlament kabletmedi!”

Nicä kabledecek Parlament, açan “gagauz paketları” kemii çıkarıldı, taman Moldova Parlamentın ilkyaz sesiyası kapanarkana da onnnar hiç incelemää da etiştirämedilär. Taa da beter, şindi Zakonnarın, duşmannarında var vakıt “gagauz paketları” üstünä tepelärlän batak hem mındarlık atmaa. Atêrlar da.

İlkin başladılar bunnarı yapmaa Modova Devletinin Moldova Parlamentında duşman deputatları, ani isteerlär, Moldovayı yok edip, Romıniyaylan birleşmää.

Sora salmaya katıldılar Parlamentın saacıları, deyip o “gagauz paketları” Zakonuna “zihirli zakonnar”.

Sırada sürüyä katılmaa taa kim var?

Taa baştan, 2014-cü yılın Çiçek ayın (aprel) 15-dän beeri belliydi, ani bu iş sade göz boyayıcı bir iş. O hep “Kara yılımırta”ya döndürülärdi: http://anasozu.com/gagauzlara-taa-bir-kara-yimirta-bu-kera-moldova-delegatiyasindan-espada/.

Dimu ERİBAKAN

BİR CUVAP YAZIN