caltay_baskan

13.10.2019, tarafından yazılı , CÜMNE BÖLÜMÜ, 375 KERÄ BAKILMIŞ

Gagauziya Başkanını caltaylılar kendi küyündän buyur ettilär

Canavar ayın (oktäbri) 6-da Gagauziya Başkanını İrina VLAHı caltaylılar, büük skandallan, kendi küyündän buyur ettilär. Bu oldu, açan Gagauziya Başkanı geldi Caltay küüyünä mitingta soțalistlär partiyasının primarlaa kandidatı için agitațiya yapmaa (neyä zakon izin vermeer), bildirer gagauzyeri.md saytı (bak: http://gagauzyeri.md/politika/5871-irinu-vlah-prognali-s-gagauzskogo-sela.html).

Açan Başkan istedi başlamaa agitațiyayı insannar baararak «Мы, госпожа Башкан, сами разберёмся кто у нас в селе может быть Примаром, вы лучше свои предвыборные обещания выполняйте. Видим только концерты и танцы», «Где обещанные вами зарплаты в 10 тыс. леев, 40 тыс. лей за возвращение на Родину. Мой муж приехал, пошёл в Исполком, а его прогнали», «Не нужно нам тыкать пальцем, что все, что делается в Джолтае, – это ваша заслуга, все делается на народные деньги», «Вам не стыдно, госпожа Влах, приезжать и учить нас, как нам голосовать. Мы сами разберемся, кто из кандидатов заслуживает уважение односельчан. Или хотите в Джолтае применить практику Исполкома, брать на работу жителей Кишинева?», buyur ettilär İrina VLAH gitsin küüdän da kendi seçimdä adamalarını aslıya çıkarsın: düzsün Çadır kasabasında aêroportu, Valkaneş kasabasında elektrostanțiya yapsın, fabrikaları hem zavodları açsın.

Bölä baarmaklardan sora Gagauziya Başkanı, şaş-beş kalıp, pindi maşinasına da yok oldu Caltay küüyündän.

Gagauzyeri.md saytı urgılêêr, ani Gagauziya Başkanı diil seftä geler küülerä da, administartiv resurslarını kullanarak, soțialistlär partiyasının kandidatları için agitațiya yapêr hem seçim uurunda devlet işçilerinä baskıylan aarlaşêr.

Not. “Ana Sözü” redakțiyası lafetti o mitingta pay alan insannarlan da üürendi, ani insannarın tekliflerinä Gagauziya Başkanı büük azarlamaklar davranmış.

Foto: gagauzyeri.md

Başka kaynaklardan alınan materialların incelikleri için anasozu.com portalı cuvap etmeer.

BİR CUVAP YAZIN