Mayak_Gagauziya_Kuboo

20.11.2019, tarafından yazılı , CÜMNE, SPORT BÖLÜMÜ, 854 KERÄ BAKILMIŞ

“Gagauziya Futbol Kuboo” başküülü “Mayak” komandasında

Bu yıl “Gagauziya Futbol Kuboo”nu seftä kazandı Başküüyü (Kirsovo) “Mayak” komandası. Finalda, ani geçti Çadır kasabasının stadionunda, başküülülär oynadılar “Kongaz” futbol komandasınnan.

Bakmadaan ona, ani kongazlılar may bütün oyun 1:0 ilerdäydilär hem, gözäl bir futbollan, kendilerini taa kaavicä gösterärdilär, başküülülär matçın sonuna becerdilär toplanmaa da iki gol urmaa. Matç 1:2 bitti.

Enseyennär kazandılar “Gagauziya Futbol Kuboo”nu. Finala çıkannara diploma hem para ödülleri da verildi.

Lääzım urgulamaa, ani “Gagauziya Futbol Kuboo” komandadan komanday geçän bir kubok olacek hem onda Kuboo kazanan komandaların adları yazılacek.

BİR CUVAP YAZIN