baskan_belarusiya

17.07.2015, tarafından yazılı , CÜMNE BÖLÜMÜ, 1075 KERÄ BAKILMIŞ

Gagauziya hem Belarusiyanın Minsk oblasti işbirlii annaşması imzaladılar

Orak ayın 16-17 günnerindä Moldova Prezidentı Nikolae TİMOFTİ ofiţial bir vizitlan Belarusiyada bulunêr. Canabisinnän bilä bu vizitta Gagauziya Başkanı İrina VLAH ta pay alêr.

Vizitın birinci günündä, Moldova Prezidentı Nikolae TİMOFTİnin hem Belarusiya Prezidentı Aleksandr LUKAŞENKOnun pay almasınnan, Gagauziyanın hem Belarusiyanın Minsk oblastinin arasında alış-veriş, ekonomika, bilim-tehnika, üüredicilik hem kultura uurunda işbirlii annaşması imzalandı. Annaşmayı imzaladılar Gagauziya Başkanı İrina VLAH hem Minsk oblastinin İspolkomun başı Semen ŞAPİRO.

Vizit çerçevesindä Gagauziyaylan ilgili taa bir dokumment imzalandı: Gagauziya İspolkomu hem Belarusiyanın Mogilev oblastinin arasında işbirlii annaşmasının 2015-2017 yıllarına çalışma planı.

BİR CUVAP YAZIN