secim_bolumu

17.01.2015, tarafından yazılı , POLİTİKA BÖLÜMÜ, 1292 KERÄ BAKILMIŞ

Gagauziya MSKsı öndercilerini seçti

Gagauziya başkanını seçmää deni  Merkez Seçim Komisiyası (MSK) Büük ayın (yanvar) 16-da öndercilerini seçti. MSK toplantısını götürdü Gagauziya Halk Topluşu başı Dimitriy KONSTANTİNOV.

Toplantıda MSK başı seçildi Valentin KARA (Çadır rayon administraţiyasının zaametçisi). Onun yardımcıları ayrıldılar Oksana NEDÄLKO (İspolkomun zaametçisi) hem Elena KAZANCI (Halk Topluşu sekretariatın zaametçisi).

MSK azası Valentina LİSNİK (Valkaneş rayon administraţiyası başın yardımcısı) urguladı, ani diil kanaat onunnan, ki MSK öndercileri sade İspolkom hem Halk Topluşu zaametçilerindän kuruldu da onnarın arasında yok sudlardan temsilci.

Not. Gagauziya başkanın sıradakı seçimnerin I-ci turu 2015-ci yılın Baba Martanın 22-dä olacek. Herliim I-ci turda başkan seçilmärsa ozaman iki aftadan sora, 2015-ci yılın Çiçek ayın (aprel) 5-dä, seçimnerin II-ci turu olacek.

BİR CUVAP YAZIN