avdarma_aaclik (3)

22.02.2018, tarafından yazılı , CÜMNE BÖLÜMÜ, 903 KERÄ BAKILMIŞ

Gagauziyada 1946-1947 yıllarda aaçlık kurbannarını Anmak Günü olacek

Küçük ayın 27-dä Gagauziya Halk Topluşu (GHT) kendisinin XII-ci toplantısında,  9-cu soruş olarak, inceleyecek soruşu “Gagauziyada 1946-1947 yıllarda aaçlık kurbannarını Anmak günü” kurulması için.

Konuylan ilgili nasaatı tutacek GHTın üüredicilik, kultura, bilim hem dinnär komisiyasının azası deputat Elena KARAMİT.

Beklener, ani bu soruş için olumnu Karar GHT deputatları oy birliinnän kabledileceklär da son-sonunda Aaçlık Kurbannarın cannarı raatlanacek.

Not. “Gagauziyada 1946-1947 yıllarda aaçlık kurbannarını Anamak Günü” kurmaa deyni teklif kararı oy birliinnän alındı Avdarma küüyündä “1946-1947 yıllarda yapılan Aaçlıın kurbannarını Anmak Günü toplantısında 2017-ci yılın Kırım ayın (dekabri) 9-da  (bak: http://anasozu.com/avdarma-kuuyunda-1946-1947-yillarda-olan-aacliin-kurbannarini-andilar/). Açan orayı toplandı Gagauziyanın 13 küüyündän hem kasabasından 128 yaşlı insan, ani, o kara belayı geçirip, diri kaldılar. Ozaman karar alındı, ani bu Gün – Canavar ayın (oktäbri) 19-da olsun.

BİR CUVAP YAZIN