poltavcenko_3

12.06.2017, tarafından yazılı , CÜMNE BÖLÜMÜ, 209 KERÄ BAKILMIŞ

Gagauziyada Sankt-Peterburg gubernatoru bulunêr

Kirez ayın (iyün) 11-12 günnerindä Gagauziyada oţial vizitlan bulunêr Rusiyanın Sankt-Peterburg gubernatoru Georgiy POLTAVÇENKO. Canabisinnän bilä var bir büük delegaţiya da.

Vizitın ilk günündä Sankt-Peterburgtan delegaţiya buluştu Gagauziya öndercilerinnän hem Komrat asker memorialına çiçek koydu.

Hep o günü Komradın klisesindä Sankt-Peterburg gubernatoru baaşladı Gagauziya kliselerinä birbuçuk bin “EVANGELİA. Gagauzça. Türkçä”, angısını hazırladı hem XX-ci üzyılın başında tipardan çıkardı gagauz Aydınnadıcısı Ay-Boba Mihail ÇAKİR. Bu Evangeliya enidän basıldı Sankt-Peterburg gubernatorluun para yardımınnan.

Geeri gubernator Georgiy POLTAVÇENKO kabletti klisä medalisi “Enseyici Geogiy”, angısını baaşladı onı Moldova Mitropolitı VLADİMİR.

Taa sora Georgiy POLTAVÇENKO yaptı açılış Başküüyü (Kirsova) küyün Mihail TANASOGLU gimnaziyasında kompyutor klasına. Gimnaziyaya bu klası baaşladı Sankt-Peterburg pravitelstvosu.

Kirez ayın 12-dä vizit çalışmaları ilerleyecek.

BİR CUVAP YAZIN