Moldova Devlet kanțeläriyasının danışmasından sora, Kaul kasabasının Apeläțiya Palatası, başlayıp “Gagauziyanın Seçim Kodeksı” adından, diiştirdi o kodeksın kimi statyalarını da.
Gagauziya Halk Topluşu (GHT) 2015-ci yılda kabletti “Gagauziyanın Seçim Kodeksı”nı, ama hep ozaman da Moldova Devlet kanțeläriyası Komrat bölümü danıştı Komrat kasabasının Apeläțiya Palatasına, ani bu Kodeksın adı hem statyalarının çoyu Moldova zakonnarına ters gider. Komrat Apeläțiya Palatası bununnan kayıl oldu.
GHT, bu kararlan kayıl olmayıp, temizlemäk için danıştı Kaul kasabasının Apeläțiya Palatasına, ama bu Palata braktı kuvettä Komratta alınan kararı.
Kaulda olan sudtan sora, GHT Başı Vladimir KISSA Gagauziya insannarına rus dilindä bir video danışma yaptı, neredä açıkladı: «В Кагуле было принято решение, отметили кое-какие статьи. Было отменено название «Избирательный Кодекс», отменено формирование ЦИКа, формирование участков, официальный реестр Гагаузии, участие в выборах граждан, которые находятся за пределами Гагаузии, списки, которые формируются в Гагаузии, полностью был отменен раздел «Местные выборы», раздел «Референдум».
Vladimir KISSA urguladı, ani Kaul kasabasının Apeläțiya Palatasının kararını temizlemää deyni GHT Moldovanın Üüsek Daava Palatasına danışacek.
GHT Başı söledi, ani Apeläțiya Palatasının kararına görä “Gagauziyanın Seçim Kodeksı”na en kısa zamanda diiştirmeklär hazırlanacek.
