TC_Gagauzıya_vizitı

06.08.2018, tarafından yazılı , CÜMNE BÖLÜMÜ, 249 KERÄ BAKILMIŞ

Gagauziyaya tanışmak gezisinnän

Harman ayın 3-dä Türkiye Kişinev Büükelçisi Halil Gürol SÖKMENSÜER, Moldova Prezidentına Harman ayın 2-dä güvennik mektubunu verdiktän sora, ilk tanışmak gezisini Gagauziyaya yaptı.

Vizit zamanında Büükelçi Halil Gürol SÖKMENSÜER iki ayırı buluşmak yaptı Gagauziyanın öndercilerinnän Gagauziya Başkanınnan hem Gagauziya Halk Topluşu Başınnan.

Nicä bildirer bu kuvetlerin pres-slujbaları, buluşmak zamanında aarlık verildi Türkiyenin Gagauziyada proektlarına, ani yapılêrlar TİKA yolunnan hem da kantarlandı gagauz-türk hem moldova-türk-gagauz ilişkileri.

Gagauziya tanışmak gezisindä Büükelçi Halil Gürol SÖKMENSÜER tanıştı Komrat ATATÜRK bibliotekasınnan, Yaratmak evinnän hem başka obyektlarlan, ani Türkiye tarafından yapıldı hem yapılêrlar.

Canabisi uuradı Kongaz moldo-türk lițeyinä dä.

PATRETTÄ: Gagauziya Halk Topluşu Başı Vladimir KISSA hem Türkiye Kişinev Büükelçisi Halil Gürol SÖKMENSÜER buluşmak zamanında.

BİR CUVAP YAZIN