Canavar ayın (oktäbri) 22-dä Rusiyadakı «Мой дом – Москва» milli kulturaların uşak festivalin çerçevesindä geçti «День гагаузской культуры» sırası, angısı olsun deyni çalıştılar Rusiyadakı «Союз гагаузов» cümne kuruluşu hem onun başı Födor DRAGOY hem da Gagauziyanın kultura hem turizma Upravleniyası.
Festivaldä olan konţerttä Gagauziyanın kulturasını gösterdilär Lüdmila TUKAN, Anastasiya LEVÇENKO, Anna MIRMIR, İvan KIRBOBA, İrina KAPAKLI, Elena TOPAL, Stepan KURUDİMOV, İvan TELEFUS, Nataliya DİLAN, Vitaliy TOPÇU, “TOZİ” grupası hem “Karanfl” oyun ansamblisi.
Konţertin önündä insannar tanıştılar foto-sergisinnän, Başalma şkolasının uşaklarının resimnerinnän, Avdarma küüyün Yaratmak Evinin (önderci Mihail YAZACI) elllän yapılmış işlerinnän, kusurlu uşaklara deyni Kongaz «Лучик Солнца» Merkezin uşaklarının yaratmaklarınnan.
Bundan kaarä “Moy dom – Moskva” festivalin musaafirleri tanıştılar gagauz êksponatlarınnan, angılarını sergiledi Beşalma küüyün muzeyi hem gagauz milli imeklerinnän.
PATRETLERDÄ: (orta patret) Anna MIRMIR (solda).
(aşaakı patret) Anastasiya LEVÇENKO.
