rtuk_2

10.10.2017, tarafından yazılı , CÜMNE BÖLÜMÜ, 629 KERÄ BAKILMIŞ

Genç hem kökleşmiş jurnalistlerä seminar

Canavar ayın (oktäbri) 6-da Komrat Devlet Universitetında geçti Türkiyenin RTÜK (Radio hem Televideniye Üst Kurulu) tarafından hazırlanan hem TİKA yardımınnan başarılan “9-cu Geleceklän baalantı Seminarı”n sonunku toplantısı.

Komrat Devlet Universitetında (KDU) ofiţial toplantıda pay aldılar Türkiye Kişinev Büükelçisi Hulusi KILIÇ, Türkiyenin RTÜK başkanı İlhan YERLİKAYA, KDU rektoru Sergey ZAHARİYA.

Seminar başladı Canavar ayın (oktäbri) 3-dä, Romaniyanın Bukureş kasabasında türk asker mezarlıın dolaşmasından. Bunun ardına Romaniyanın Konstanţa kasabasının Ovidius Universitetında büük bir toplantıylan ilerledi. Sora, seminara katılan Azerbaycan, Albaniya (Arnautluk), Greţiya, Gruziya, Makedoniya, Moldova, Kazahstan, Kırgızistan, Romaniya, Serbiya, Ukrayina hem Türkiye devletlerindän genç hem kökleşmiş jurnalistlär, Romaniyanın Galaţ kasabasınnan hem Gagauziyanın Komrat, Çadır kasabalarınnan hem da Avdarma, Beşalma, Kongaz küülerinnän tanıştılar.

“Bu türlü seminarları her yılın 2 ayırı devlettä yapılêr. Bıldır Kazahstanda hem Kirgizistanda, bu yıl da Romaniya hem Moldovada yapıldı – bildirdi RTÜK zaametçisi Abdullah ULUYURT. – Onun için bu seminirda, yardımcı personal olarak, bizä yardımcı oldular gagauzlar Dimitri KİRÇU, İrina İUSEBEYLİ  hem başkaları”.

BİR CUVAP YAZIN