marionetkalar_1_

16.11.2021, tarafından yazılı , CÜMNE, POLİTİKA BÖLÜMÜ, 625 KERÄ BAKILMIŞ

GHT VII-ci toplumun kurucu toplantısı spektaklisi parlamentarlık parodiyasına döndü

Kasımın 16-da Komratta geçti parlamentarlık parodiyasına benzeyän Gagauziya Halk Topluşun VII-ci toplumun kurucu toplantısı adlı spektaklinin 2-ci perdesi.

Tolantı çeketti dramadan. Beşalma küüyündän “halk” deputatı Grigoriy DÜLGER kobakları karıştırdı da oturdu Rus Köseli küüyündän deputatın İliya UZUNun erinä. Belliki, bu iş kavgaya hem sert dartışmaya döndü. Zar-zor Grigoriy DÜLGERı erinä oturttular, ama o uslanmadı da başladı Tomay küüyündän halk deputatınnan Srgey ÇİMPOEŞlän çekişmää. Gelärdi, ani beşalmalı deputat neredä sä başka bir dünneydä bulunêr. Onuştan Sergey ÇİMPOEŞ teklif etti zala sersem hastalıklar doktorunu çaarmaa.

Bundan sora üzä çıktı, ani soțialistlerdän dokuz “halk” deputatı hem Çok-Maydan küüyündän “halk” deputatı Födor YANİOGLU hem Baurçu küüyündän “halk” deputatı Grigoriy KADIN, onnarı deputat yapan halkın emirlerini çiineip, toplantıya gelmedilär. Gelennär da, Komrattan Viktor PETROV, Bucaktan Vladimir KISSA hem Kongazdan Demyan KARASENİ birazdana zaldan çıktılar.

Bölecä GHT VII-ci toplumun kurucu toplantısı spektaklisi, parlamentlık parodiyasına dönüp, genä olmadı da toplantı spektaklisinin 3-cü perdesini Kasımın 19-na geçirdilär.

BİR CUVAP YAZIN