golbaş

04.06.2021, tarafından yazılı , CÜMNE BÖLÜMÜ, 880 KERÄ BAKILMIŞ

Gölbaşı belediyesinä yardım için şükür ettilär

Bu yıl Gagauziyanın Çeşmä küüyü primariyasının kardaş primariyası olan Ankara Gölbaşı belediyesi yolladı Çeşmä küüyünä 50 ton pak unu yardımı, pandemiya beterinä evlerindän çıkamayan yaşlı çeşmäküülülerä parasız ekmek yapılsın hem verilsin deyni.

Çeşmäküülülerin adından bu vakıdında gelän parasız yardım için şükür ederäk, Çeşmä küüyün primarı Sofya Vasilyevna JEKOVA, Türkiyenin “Gagauzlar” dernää başkanı İrina ÜSÜMBEYLİnin aracılıınnan, Ankara Gölbaşı belediyesinä bir “Şükür yazısı” yolladı hem urguladı, ani artık iki yıl Çeşmä küüyün kardaş primariyası olan Ankara Gölbaşı belediye, pandemiya beterinä evlerindän çıkamayan yaşlı çeşmäküülülerä ekmek için 50 ton pak unu yardımı büük bir hayırlı iş.

Gölbaşı belediye Başkanı Ramazan ŞİMŞEKä bu “Şükür yazısı” vermesindä, “Gagauzlar” dernää başkanı İrina ÜSÜMBEYLİdän kaarä, dernää önderci azaları Vasiliy ÜSÜMBEYLİ hem Sergey MANASTIRLI da pay aldılar.

BİR CUVAP YAZIN