GRT

30.10.2014, tarafından yazılı , CÜMNE BÖLÜMÜ, 1163 KERÄ BAKILMIŞ

GRTyı kapak altına almaa isteerlär

Gagauziya Halk Topluşunda tepremeklär deputatların arasında çatlak izleri brakınca, o izlär Gagauziya Radio hem Televideniyanın Gözledici Sovetına da çarptılar.

Gözledici Sovetı başladı GRT predsedatelin Anna HARLAMENKOnun üstünä örümää hem Canabisini türlü işlerdä kabaatlı bulmaa. Bu maanaların sebepi – Anna HARLAMENKOyu predsedatelliktän atmaa. Bu iş için “Gagauziyanın televideniye hem radio için” zakonunu diiştirmää da teklif ediler.

Bu diiştirmeklerin avtoru deputat İvan BURGUCU. Onnarı kabledärsalar ozaman Gözledici Sovetına vetrilecek diil gözledici, ama poliţiya, prokuratura hem ţenzura funkţiyaları. Bundan kaarä Gözledici Sovetı eni bir aar üklän insannarın ensesinä pinecek – onun azaları kendilerinä kertiksiz zarplata isteerlär, bakmaadaan ona, ani onnar kayıldılar parasız işlemää.

Bir iş belli, GRTnın dolayında bu eşinmeklerin sebepi – POLİTİKA hem seçimnär oyunnarı! Oyuncakları!

Todur ZANET

BİR CUVAP YAZIN