guguta

06.05.2013, tarafından yazılı , SPORT BÖLÜMÜ, 1621 KERÄ BAKILMIŞ

“Guguţanın Kuboo” adlı milli futbol turnirı

Moldovada geçti onuncu uşaklar için “Guguţanın Kuboo” adlı milli futbol turnir. Kuboon finalına çıktı 12 kumanda, ani regional yarışmalarında enseledilär. Gagauziyadan finala çıltı Kongaz küüyün 1-ci liţeyin komandası.

Final oyunnarı bu yıl  Kriulän rayonun Slobodzia Duşka küüyündä oynandılar. Turnirda ensedi Belţ kasabasının “Vasile Aleksandri” liţeyin komandası. İkinci eri aldı Teleneşt rayonun Budêi küüyün gimnaziyası. 3-cü – Aneniy Noy rayonun Pugaçen küüyün “Olimp” liţeyi.

Kongaz küüyün 1-ci liţeyin komandası 8-ci oldu, arda brakıp Kaul, Kriulen, Briçen hem Floreşt kasabaların komandalarını.
Moldova Futbol Federaţiyasının tarafından hepsi komandalara diplomalar, paalı baaşışlar hem ödüllär verildi.

Not. Uşaklar için “Guguţanın Kuboo” adlı milli futbol turnirı hazırlanêr Moldovanın Gençleri hem sport ministersvonun, Üüredicilik ministersvonun hem Moldova Futbol Federaţiyasının ortaklıınnan.

BİR CUVAP YAZIN