gureşçiler_belgradta

24.12.2020, tarafından yazılı , CÜMNE, SPORT BÖLÜMÜ, 940 KERÄ BAKILMIŞ

Güreşçilerimiz Bayraamızı üüsek tutêrlar

Kırım ayın (dekabri) 12-18 günneri arası Serbiyanın baş kasabasında Belgradta oldu serbest güreştä Dünnää Kuboo, angısında, Moldova Respublikasının komandasınnan bilä, pay aldılar Gagauziyadan güreşçilär: Nikolay GRAHMEZ, Evgeniy NEDÄLKO, Georgiy RUBAEV hem Pötr YANULOV.

92 kg kategoriyasında Dünnää Kuboon gümüş medalisini kazandı Georgiy RUBAEV, finalda taradıp Rusiyadan güreşçiya Alihan CABRAİLOVa.

86 kg kategoriyasında Dünnää Kuboon bronza medalisini kazandı Pötr YANULOV, 3-cü er için güreştä enseyip İndiyadan güreşçiyi Dipaka PENİYAyı.

74 kg kategoriyasında güreşän Evgeniy NEDÄLKO, taa ilk güreştä tarattı Romıniyadan güreşçiya da birtaan yarışlara katılamadı.

65 kg kategoriyasında 4-cü eri aldı Nikolay GRAHMEZ, taradıp 3-cü er için güreştä Ukraynadan güreşçiya Gor OGANESÄNa.

Gagauziyadan güreşçilerini Dünnää Kuboona hazırladılar trenerlar Nikolay DUDOGLU, Dimitriy KONSTANTİNOV  hem İliya UZUN.

BİR CUVAP YAZIN