sergi_01.06 (2)

03.06.2021, tarafından yazılı , CÜMNE, KULTURA, KULTURA ÖMÜRÜ, RESİMCİLİK BÖLÜMÜ, 3296 KERÄ BAKILMIŞ

Halklararası uşakları korumak Gününä adanmış resim sergisi

Kirez ayın (iyün) 1-dä Gagauziyanın Regional resim Galereyasında açıldı bütündünnä “Halklararası uşakları korumak Günü”nä adanmış resim sergisi, angısında sergilener Cadır, Komrat hem Valkaneş uşak resimci şkolaların  körpä resimcilerinin yaratmaları.

Serginin ana eksponatları oldular Komrat “Dimitriy SAVASTİN” uşak resimcilik şkolasından üürencinin yaratmaları, angıları 10.12.2020 – 01.03.2021 günneri arası Ukraynanın Dönețk bölgesinin Liman kasabasında olan XXXII-ci halklararası uşaklar yaratmaları “Su altı fantaziyaları – 2021” konkursuna katıldılar. Sergi açılışında bu uşaklar kablettilär Dönețk bölgesinin Liman kasabasından gelän kendi ödüllerini: http://anasozu.com/su-alti-fantaziyalari-2021-konkursunda-ii-ci-oldular/.

Kendi tarafından Gagauziya kultura Upravleniyasının başı Marina SEMENOVA verdi birär gramota bu üç rayonun uşak resimci şkolaların  direktorlarına.

Gagauziyanın Regional resim Galereyasında uşak resimnerinin sergisinin açılışından sora, Gagauziyanın uşak muzıka şkolaların üürencileri bir konțert gösterdilär hem açılışa katılan uşaklara, Gagauziya kulktura Upravleniyasının tarafından, tatlı masa ikramı yapıldı.

Fotolar: Gagauziya kultura Upravleniyasının
sergi_01.06 (3)
sergi_01.06 (1)

BİR CUVAP YAZIN