Ustalar_cadir

02.12.2016, tarafından yazılı , KULTURA, KULTURA ÖMÜRÜ BÖLÜMÜ, 1557 KERÄ BAKILMIŞ

“Havezlilerin dünnäsı” zanatlar Festivali

Gagauziyanın Halk Ustaları Birlii başının Nikolay KROİTORun çalışmalarınnan Kasımın 26-da Çadır kasabasında oldu “Havezlilerin dünnäsı” I-ci zanatlar Festivali. Bu festival adandı Gagauziyanın Halk Ustaları Birlii kurulmasının (26.11.2006 y.) 10-cu yıldönümünä.

Festivaldä sergilendi hem satıldı çeşitli uurlarda yaratmalar: resimnär hem tafta oymaları, tantelilär hem başka örmä mallar, gagauz milli rubalarına giimni kuklalar hem kurudulmuş çiçeklerdän tablalar, çarıklar hem peşkirlär, toprak çölmekleri hem donaklanmış taftadan skemnelär.
ustalar_cadir_emblema

Festivalin açılışında söz tuttular Gagauziyanın Halk Ustaların Birlii başının Nikolay KROİTOR, Çadır primarı Anatoliy TOPAL, GBM başı Pötr PAŞALI hem başkaları.

Nicä bildirdi Nikolay KROYTOR bu Festivalin uuru oldu o, ani “Gagauziyanın ayırı-ayırı işleyän ustalarını bireri getirmää, birleştirmää hem, omuz-omuza olup, bu uurda peydalanan zorlukları aşmaa”.

“Havezlilerin dünnäsı” I-ci zanatlar Festivali emblemasını yaptı anılmış gagauz resimcisi Pötr DİMOV.

BİR CUVAP YAZIN