iftar_kisinev (7)

05.06.2019, tarafından yazılı , CÜMNE, MOLDOVADA TİKA PROEKTLARI BÖLÜMÜ, 1500 KERÄ BAKILMIŞ

İhtärlara hem kusurlulara TİKAdan Ramazan ayı iftar imeyi

İki gün sıravardı Türkiyenin Türk İşbirlii hem Koordinaţiya Agenstvosu Başkannıın (TİKA) Kişinev TİKA programaların Koordinatorluu verer ihtärlara hem kusurlulara Ramazan ayı iftar imeyi (musulmannarda oruç açmak imeesi).
iftar_kisinev (3)

Hederlez ayın 21-dä bölä bir imäk verildi Komrat Recep Tayyip ERDOĞAN adına ihtärlar Evindä bulunan insannara, Hederlez ayın 23-dä da Kişinevun ihtärlar hem kusurlular merkezindä insannarına.
iftar_kisinev (4)

İki erdä da hazırlandı türlü imeklär, esaba alarak insannarın saalık durumunu. Masalara koyuldu eşillik hem meeva, verildi tatlıylan meeva şırası hem baaşışlar da daatıldı.
iftar_kisinev (1)

İmeklerin açılış sözünü Komratta da, Kişinevda da yaptı Kişinev TİKA programaların Koordinatoru Selda ÖZDENOĞLU.
iftar_kisinev (5)

Kişinevda imeyä katılan Türkiye Kişinev Büükelçisi Gürol SÖKMENSÜER kısa bir sözlän danıştı imektä bulunannara hem söledi, ani onnarın üzündä şennik görmäk bu sevinmeliktir.
iftar_kisinev (8)

İki imektä da büük şenniklär oldu. Kişinevdakı iftar imeendä insannara bir könțert ta gösterildi, neredä türkü çaldılar Moldovanın anılmış artistleri Anjela ROŞKOVAN, Anna ODOBESKU hem başkaları.
iftar_kisinev (6)
iftar_kisinev (9)

BİR CUVAP YAZIN