Ignat-Kazmaly

26.07.2018, tarafından yazılı , CÜMNE, SPORT BÖLÜMÜ, 196 KERÄ BAKILMIŞ

İnat KAZMALI 30-dan 16-sında pay aldı

2018-ci yılın Orak ayın (iyül) 22-dä İstanbılda geçti 30-cu “Samsung Boğazıçı Kıtalararası Yüzme Yarışı”, angısında pay aldılar 55 devlettän 2 419 kişi (1690 adam hem 729 karı). Bu yarış hazırlanêr Türkiya Milli Olimpiada Komitetı (TMOK) tarafından.
Ignat-Kazmaly_3

Bu yarışa katılan Moldovadan 28 üzücünün arasında vardı Gagauziyanın Avdarma küüyündän sportsmen İnat KAZMALI da. Yarışta Canabisi 1 saat 33 minutta hem 34 sekuntta başardı bir kontinenttan (Aziyadan) öbür kontinentadan (Evropaya) üzmää, geçip bu arada 6,5 kilometra.
yuzme_start

Bu yıl üzmedä ensedilär: adamnar arsında – Doğukan ULAÇ (KKTC), karılar arasında – Hilal Zeyneb SARAÇ (Türkiye).

30-cu “Samsung Boğazıçı Kıtalararası Yüzme Yarışı” ilk üç erleri alannara kubokları verdilär Türkiye Gençlik hem sport Ministrusu Mehmet Muharrem KASAPOĞLU, İstanbul Gubernatoru Vasip ŞAHİN, İstanbul Büükşehir Primarı Mevlüt UYSAL hem TMOK Başkanı Uğur ERDENER.

Bu yıl seftä özel Kuboklar da verildi o insannara, kim bu yarışlarda 16-cılaa pay alêr: İnat KAZMALIya (Gagauziya/Moldova), Kristi KROVENTRİya (Zimbabve), Hasan GÖKGÜNä (Türkiye) hem Levent AKSÜTä (Türkiye).

Not. “Samsung Boğazıçı Kıtalararası Yüzme Yarışı” ilkinkisindä  pay aldı 64 üzücü, 30-da sa – 2 419.

BİR CUVAP YAZIN