ignat_kazmali

25.07.2017, tarafından yazılı , CÜMNE, KİŞİLÄR, SPORT BÖLÜMÜ, 442 KERÄ BAKILMIŞ

İnat KAZMALI Bosforu 15-cilää üzüp geçti

Orak ayın 23-dä Türkiya Milli Olimpiada Komitetı İstanbılda 29-cu “Samsung Boğazıçı Kıtalararası Yüzme Yarışı” yaptı. Bu açık suda üzmä yarışta 49 devlettän 2 147 kişi (568 karı hem 1579 adam) pay aldılar.

Moldovadan bu yarışa katılan 26 insanın arasında vardı Gagauziyanın Avdarma küüyündän üzmäää sevän İnat KAZMALI da, ani 15-cilää bu yarışa katılêr.

Üzücülär lääzımdılar iki kontinentan (Aziyadan Evropaya) 6,5 kilometra üzsünnär. Bu arayı gagauz sportsmenı İgnar KAZMALI üzdü 1 saat 29 minut hem 52 sekuntta.
bosfor_uzmesi_1

“Samsung Boğazıçı Kıtalararası Yüzme Yarışı”nı ensedilär Rusiyadan profesional sportsmennar Kristina KOÇETKOVA hem Evgeniy ELİSEEV.

BİR CUVAP YAZIN