turkiye_yasli

11.12.2016, tarafından yazılı , CÜMNE BÖLÜMÜ, 235 KERÄ BAKILMIŞ

İstanbulda genä terakt

Kırım yaıyn (dekabri) 10-da İstanbulda terakt yapıldı. Bombaların patlamasınnan 38 kişi canını kaybetti, 155 kişi da yaralandı. Bu terakt ilgili olarak Türkiyedä bir gün yas tutulacek.

Nicä bildirdi Anadolu Agenstvosu terakt İstanbulun Beşiktaş maalesindä bulunan Vodafone Arena stadionun yanında yapılmış.

Bildirildi, ani terakt bölä yapılmış: ilktän patlamış bir avtobusa koyulan bomba, sora da cannı bomba kendisini daatmış. Varmış üçüncü bomba da, ama poliţiya etiştirmiş onu bozmaa.

Nicä açıkladı Türkiyenin İçişleri Ministerlii öldürülän 38 kişidän 30-zu poliţiya zaametçileri.

Türkiye Respublikasının Prezidentı Recep Tayyip ERDOĞAN, teraktlan ilgili açıklamada, bildirdi kendi can acızgannıını teraktta kurban olan insannarın aylelerinä hem yakınnarına, hem söledi, ani teraktı hazırlayannar mutlaka bulunacek, tutulacek hem suda verlicek.

Not. Bu saada teraktlan ilgileri olan 13 terorist tutuldu.

Foto – aa.com.tr

BİR CUVAP YAZIN