dragneva_tanea

28.07.2017, tarafından yazılı , KİŞİLÄR, LİTERATURA, LİTERATURA ÖMÜRÜ, POEZİYA BÖLÜMÜ, 93 KERÄ BAKILMIŞ

Kalın kaşlar altında şılêêr yalpak gözlerin

Tatiana DRAGNEVA, duudu 1997-ci yılın Çiçek ayın (aprel) 2-dä, Çeşmäküüyündä (Valkaneş rayonu, Gagauziya (Gagauz Yeri), Moldova Respublikası). Başardı liţeyi Valkaneş kasabasında.
Üürener Kişinevda ULIM universitetında yabancı  dilleri (angliyca-nemţeyicä).
Yaratmaları “Ana Sözü” gazetasının sayfalarında hem “Oguz Sesi” peet tolumunda tiparlandı.
“Genç gagauz yazıcılar Birliin” cümne topluluun azası.

***
Kalın kaşlar altında
Şılêêr yalpak gözlerin.
Senin geniş annında –
Vakıdın borçlu izleri.
Lafsız annêêrım sevdanı,
O kär kaplêêr taa iraktan.
Kaavi senin o ellerni
Tanıyacam taa uzaktan.
Sän neetini bu dünnedä
Tamamnadın kär bütündän:
Uşaklarını büüttün İNSAN!
Ne var taa önemni bundan?!
Hepsinin sonu var ömürdä,
Hiç bişey bitkisiz kalmaz.
HALİZ BOBA siirektir dünnedä,
Ama bilerim, ki kısmet bendä!

***
Bir akıllı adam dedi bana bölä:
“Haliz SEVDA, uşaam, – o tek ömüründä!”
Bän çekişärdim, direşärdim erimdä,
Savaşardım annatmaa – “O diil ölä!
Bu ömürdä türlü işlär olêr,
Ya gençkenä – kannar kaynêêr.
Karşı geler biri, ama ateş süner,
Geler ikincisi – salt koorları kalêr”.
“Bunnar – salt yolcular, uşaam.
Haliz SEVDA sünmäz – gülümsedi adam. –
Haliz SEVDA sana bir şafk olar.
Haliz SEVDA Adam seni yapar.
Bu payaklı yıllar arasında
Yolcuların hiç bakmêêrsın sayısına.
Ama karşı geldiynän SEVDAYA
Salt katma onu yolcuya!”

BİR CUVAP YAZIN