Constable Niran JEYANESAN

24.08.2017, tarafından yazılı , CÜMNE BÖLÜMÜ, 205 KERÄ BAKILMIŞ

Kanadada poliţiyasından acızgannık, insannık hem adamnık örnää

Kanada devletin Toronto kasabasından 18 yaşındakı çocuk savaşmış gipermarkettan çalmaa bir gölmek, bir galstuk hem bir çift çorap, olsun neylän gitmää iş için sobesedovaniyaya. Ama tutulmuş.

Tükänın administraţiyası çaarmış poliţiyayı. Hırsızlık erinä gelän poliţiya konstebeli Niran JEYANESAN (patrettä), sesleyip çocuun annatmasını, çıkarmış cebindän parayı da almış hepsi bu lääzımnı işleri o çocaa.

Kendi insannık hem adamnık adımını konstebel Niran JEYANESAN bölä açıkladı: “O annattı, ani onnar pek fıkaara yaşêêrlar. Onun bobası bolniţada, aylesi da aaç durêr. Bu çocaa pek lääzımmış bu gölmek, galstuk hem çoraplar, işä girmää sobesedovaniyaya gitmää deyni”.

Poliţeyskiy inanmış çocuu da, alıp ona o işleri, ani çocuk kalkınmıştı çalmaa, kolvermiş onu.

“O yalandırmadı! O gitti o sobesedovaniyaya. Da bilersiniz mi, ne? Onu işä kablettilär!” – taa ötää annadêr Niran JEYANESAN, da söledi, ani o çocuk yazmış ona bir şükür kiyadı, bildirer metro.co.uk saytı.

Foto: Toronto Police Service

BİR CUVAP YAZIN