tatarstan_gagauziya_2

17.03.2016, tarafından yazılı , CÜMNE BÖLÜMÜ, 878 KERÄ BAKILMIŞ

Kazanda Gagauz kultura Günneri geçer

Baba Marta ayın 15-17 günnerindä Rusiya Federaţiaysının Tatarstan Respublikasının  baş kasabasında Kazanda Gagauz kultura Günneri geçer. Bu Ginnerin yapılmasının uuru: Gagauziyanın hem Tatarstanın arasında dostluk, ekonomika hem alış-veriş, bilim hem kultura ilişkilerin kurulması hem temelleşmesi.

Gagauz kultura Günneri çerçevesindä Kazanda, Gagauziya İspolkom predsedatelinin Olesä TANASOGLUnun başkannıı altında, Gagauziya delegaţiyası buluştu Tatarstan öndercilerinnän, deputatlarınnan, kultura adamnarınnan.

Bundan kaarä kiyat sergisi hem “Düz Ava”ylan “Çayır ansamblilerin ”konţertı yapıldı. Konţerttä pay aldılar Gagauziyanın anılmış türkücüleri Lüdmila TUKAN, Mihail hem Valentina YAŞIBAŞ, Vitaliy MANCUL .

Gagauziya delegaţiyasında vardılar İspolkom azaları, GHT deputatı, Çadır primarı hep administraţiya başı, genç yazıcı, bibliotekacı, kultura hem bilim insannarı.

Baba Marta ayın 17-dä Gagauziyanın Çadır kasabası hem Tatarstanın Nurlat kasabası kardaş kasabalar annnaşmasını imzalayaceklar.

BİR CUVAP YAZIN