kazayak_sevda

15.07.2016, tarafından yazılı , ANSAMBLİLÄR, CÜMNE, KULTURA, KULTURA ÖMÜRÜ BÖLÜMÜ, 1294 KERÄ BAKILMIŞ

Kazayak küüyün “Sevda” ansamblisi 1-ci “Sevda dalgaları” festivalinä çaarêr

Orak ayın 17-dä Kazayak küüyün “Sevda” ansamblisi 30 yaşında olêr. Bu yıldönümünnän  ilgili olarak ansamblinin azaları hem küüyün primariyası karar aldı Kazayakta 1-ci Halklararası “Sevda dalgaları” festivalini yapmaa.

O günü, “Sevda” ansamblisini kutlamaktan kaarä, küüdä büük bir yortu programası da kurulu. O programaya görä «Двор мастеров» halk el işleri sergisi kurulacek, «Мода наших бабушек» milli rubaların gösterisi hem patret sergisi yapılacek, « Казайак – мое местечко» patret sergisi açılacek, gagauz imeklerin sergisi hem satışı olacek. Ayrıca uşaklar için oyun erleri kurulacek.

Yortunun merkez olayı “Sevda” ansamblisinin hem 1-ci Halklararası “Sevda dalgaları” festivalinä katılan ansamblilerin (Beşalma, Kıpçak, Tomay hem Albota küülerindän, Kişinev kasabasından hem da Türkiyelän Bulgariyadan) konţetı.

BİR CUVAP YAZIN