Küçük ayın 19-da Türkiye Kişinev Büükelçiliin çalışmalarınnan hem Kişinevda çıfıtların “KEDEM” kultura dernään ortaklıınnan Komrat Devlet Universitetında Holokostu andılar.
Anma sırasında söz tuttular Türkiye Kişinev Büükelçisi Gürol SÖKMENSÜER, Germaniya misionun şefı Floren ZAYAȚ, “KEDEM” kultura dernään başı Stella HARMELİNA, KDU rektoru Sergey ZAHARİYA hem başkaları.
Maasuz bu gün için zalda gösterildi Türkiyedän bir dokumental film “Lina Amato”, neredä annadılêr nicä Türkiye Respublikasının Rodos Başkonsulu cenk vakıdında kurtarmış yaklaşık 45 çıfıdı, vereräk onnara Türkiye dokumentlarını.
Salonda toplantı bittiktän sora, sıraya katılan hepsi insannar tanıştılar bir sergiylän, neredä annadılardı Holokost için hem dünnnä diplomatları için, ani cenk vakıdında çıfıtlara yardımcı olmuşlar.
