iilik_paneeri (4)

09.12.2019, tarafından yazılı , CÜMNE BÖLÜMÜ, 2213 KERÄ BAKILMIŞ

Kişinevda XXIII-cü iilik yapmak paneerı oldu

2019-cu yılın Kırım ayın (dekabri) 8-dä Kişinevda oldu Moldova diplomatlarının Halklararası karı klubun (IWCM) tarafınan hazırlanan XXIII-cü “International Charity Bazaar – Halklararası Yardım Pazarı” iilik yapmak paneerı. Bu paneerda pay aldılar Moldovada bulunan Büükelçiliklär hem diplomatiya misiyaların temsilcileri. Katıldı burayı Gagauziya da.

En büük stendı, nicä da her yılın bu paneerda, kurdu Moldovada Türkiye Büükelçilii. Bu stendta, başlayıp dönerdän hem ayrandan, kofedän hem çaydan, baklavadan hem emiştän, vardı nicä satın almaa taa çok türlü başka türk mallarını da.

Paneer sırasında Türkiye Büüekelçisinä Gürol SÖKMENSÜERä verildi katkı sertifikatı hem bıldır bu paneerda acızgannık için en çok para toplayan Büükelçilik olduu sertifikatı. Bu yıl da Türkiye Büükelçilii kalmadı aşaa da, Büükelçiliin, TİKA zaametçilerinin hem da sponsorların yardımınnan paneerda iilik için en çok para toplayannardan birisi oldu.

Türkiye Büükelçilii bu yıl iilik paneerın lotoreyasına da büük baaşışlar çıkardı. Onnarın arasında vardılar Türkiye Hava Yollarından (THY) bir gidiş-dönüş bileti,  bir mobilnıy telefon, Medpark Hastalar evindän “check-up” talonu hem başka.

IWCMın XXIII-cü “International Charity Bazaar – Halklararası Yardım Pazarı” iilik yapmak paneerında pay aldı Moldova Prezidentın karısı Galina DODON oolunnan.

Not. IWCM 23-cü “International Charity Bazaar – Halklararası Yardım Pazarı”nda toplanan paraları karılar klubu, baaşış olarak, vereceklär hastalar hem kusurlular evlerinä hem başka hayırlı işlär için kullanaceklar.

iilik_paneeri (5)
iilik_paneeri (6)
iilik_paneeri (12)

iilik_paneeri (7)
iilik_paneeri (10)

iilik_paneeri (13)

iilik_paneeri (8)

iilik_paneeri (9)

iilik_paneeri (11)

iilik_paneeri (2)

iilik_paneeri (1)

iilik_paneeri (14)

Anaktar sözlär :

BİR CUVAP YAZIN