kizil_ay_moll (2)

20.05.2019, tarafından yazılı , CÜMNE BÖLÜMÜ, 2148 KERÄ BAKILMIŞ

“Kızıl ay”dan üüsüzlärän yoksul uşaklara imäk hem baaşış

2019-cu yılın Hederlez ayın 20-dä Türkiye “Kızıl ay” kuruluşun Ramazan yortusu programaları çerçevesindä Kişinevun “Shopping MallDova” merkezindä bulunan “Californian Chickenos” restoranında 100-dän zeedä üüsüzlärän yoksul uşaklara imäk hem baaşış verildi.
kizil_ay_moll (3)

Nicä bildirdi programaya katılan Türkiye Kişinev Büükelçisi Gürol SÖKMENSÜER “bu sıra hazırlandı hem yapıldı Türkiye “Kızıl ay” kuruluşun Ramazan yortusu programaları çerçevesindä. Büünkü gündä dünnäädä üüsüzlär günü bakılêr, onuştan “Kızıl ay”ımız bu türlü sıraları dünnääyın 38 devletindä yapêr. Eridir urgulamaa, ani bu sıraylan yardımnar bitmeyecek. Türkiye Kişinev Büükelçiliin katkısınnan gelecek günnerdä “Kızıl ay” Gagauziyada hem bütün Moldovada üüsüzlerä hem yoksullara iyelicek mallarınnan dolu kutular baaşlanacek. Yaarın da Gagauziyada TİKAnın katkısınnan “Kızıl ay” yardımnarı yapılacek”.
kizil_ay_moll (4)

Türkiyenin “Kızıl ay” kuruluşu Halklararası programalar müdürlüün Orta doğu hem Poyraz Afrika masasının sorumnusu Nadir TÜLEK açıkladı, ani “bu yıl, bu sıradan kaarä, “Kızıl ay” kuruluşu 300 iyelicek mallarınnan dolu kutuları Gagauziyada daadacek. Bütün Moldovada sa 1500 bölä kutular daadılacek. Bunda bizä yardımcı olêrlar Türkiye Kişinev Büükelçilii, Kişinev TİKA programaların Koordinatorluu, Kişinev Primariyasının “Uşakların haklarını korumak Direkțiyası” hem Moldova “Kırmızı kruça” kuruluşu”.
kizil_ay_moll (1)

Bu sıranın geçtii “Californian Chickenos” restoranın saabisi Murat UZUNÖZ, şükür ederäk Türkiye Kişinev Büükelçiliinä hem “Kızıl ay” kuruluşuna onnarın restoranını bu sıraya seçtikleri için, söledi, ani “bölä önemni sırayı yapmaa deyni restoranın bütün personalı, Türkiyemizi utandırmayalım deyni, pek islää hazırlandı hem savaştı, ani uşaklara deyni imeklär tatlı olsun”.
kizil_ay_moll (5)

Sıra bittiktän sora uşaklar da, onnarın terbiedicileri da, onnarı aaretlik alan karılar da candan-ürektän şükür ettilär hepsinä, kim hazırladı bu yortuyu onnara deyni.

BİR CUVAP YAZIN