komrat_apeletiya_palatası

11.07.2019, tarafından yazılı , CÜMNE BÖLÜMÜ, 55 KERÄ BAKILMIŞ

Komrat Apeläțiya Palatası: İrina VLAH Gagauziya seçilmiş Başkanı

Orak ayın (iyül) 11-dä Komrat Apeläțiya Palatası aldı Karar, ani 2019-cu yılın Kirez ayın (iyün) 30-dan Gagauziya Başkanı seçimneri olmuş sayılêr.

Büünkü oturuşunda Komrat Apeläțiya Palatası iki soruş inceledi:

1. Gagauziya Başkanına kandidat olan Sergey ÇİMPOEŞin Başkan seçimnerinä protestı.

2. Gagauziya Merkez Seçim Komisiyası (MSK) Gagauziya Başkanı seçimnerin sonuçlarının temelleştirmää deyni danışması.

Bu iki soruşu her taraftan inceleyip, Komrat Apeläțiya Palatasının daavacıların Kolegiyası Sergey ÇİMPOEŞin danışmasını ret edip, 2019-cu yılın Kirez ayın (iyün) 30-dan Gagauziya Başkanı seçimnerini olmuş olarak kabletti.

Komrat Apeläțiya Palatasının bu Kararından sora İrina VLAH Gagauziyanın seçilmiş Başkanı sayılêr.

BİR CUVAP YAZIN